അടുത്തിടെയായി ബ്രേക്കിന് പകരം ആക്‌സിലേറ്റര്‍ ചവിട്ടുന്ന ഡ്രൈവര്‍മാരുടെ എണ്ണം കൂടിവരികയാണ്. ഇതു മൂലം നിരവധി അപകടങ്ങള്‍ ചുരുങ്ങിയ കാലത്തിനുള്ളില്‍ നടന്നു കഴിഞ്ഞു.

ഇത്തരത്തിലൊരു അപകടത്തിന്റെ ദൃശ്യങ്ങളാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്നത്. അമേരിക്കയിലെ കാലിഫോര്‍ണിയയിലെ സാന്റാമോണിക്കയിലാണ് സംഭവം.

നാലാം നിലയിലെ പാര്‍ക്കിംഗ് ഏരിയയില്‍ കാര്‍ പാര്‍ക്ക് ചെയ്യാന്‍ ശ്രമിക്കുന്നതിനിടെയാണ് അപകടം. വാഹനമോടിച്ച സ്ത്രീ അബദ്ധത്തില്‍ ആക്‌സിലേറ്ററില്‍ കാല്‍ അമര്‍ത്തുകയായിരുന്നു.

എന്നാല്‍ പാര്‍ക്കിംഗിലെ കമ്പി വേലിയില്‍ തട്ടി നിന്നതുകൊണ്ട് വാഹനം താഴേക്ക് വീണില്ല. സംഭവത്തില്‍ ആര്‍ക്കും പരിക്കില്ലെന്നാണ് റിപ്പോര്‍ട്ടുകള്‍.