സിനിമാ താരങ്ങളേയും സെലിബ്രിറ്റികളേയുമൊക്കെ പോലെ അടിമുടി മേക്ക് ഓവര്‍ നടത്തി ഇന്റര്‍നെറ്റില്‍ താരമായിരിക്കുകയാണ് യോരികോക്കോറോ എന്ന നായക്കുട്ടി. ജപ്പാന്‍കാരനായ ഇവന്‍ കഴിഞ്ഞ ദിവസം നായ്ക്കള്‍ക്കുവേണ്ടിയുള്ള ഒരു ബ്യൂട്ടി പാര്‍ലറില്‍ പോയി. 

മണിക്കൂറുകള്‍ നീണ്ടുനിന്ന അണിയിയിച്ച് ഒരുക്കങ്ങള്‍ക്കുശേഷം ആശാന്‍ തിരിച്ചിറങ്ങിയപ്പോള്‍ സ്വന്തം ഉടമയ്ക്കുപോലും അവനെ തിരിച്ചറിയാന്‍ കഴിഞ്ഞില്ല. അകത്തേക്ക് പോയത് നായക്കുട്ടിയാണെങ്കില്‍ തിരിച്ചെത്തിയപ്പോള്‍ അവന്റെ രൂപം ഒരു ആട്ടിന്‍ കുട്ടിയേപ്പോലെയിരുന്നു.

മേക്ക് ഓവര്‍ നടത്തിയ നായക്കുട്ടിയുടെ ചിത്രങ്ങള്‍ ബ്യൂട്ടിപാര്‍ലര്‍ അധികൃതരാണ് ഇന്‍സ്റ്റഗ്രാം വഴി പുറത്തുവിട്ടത്. ചിത്രങ്ങള്‍ പോസ്റ്റ് ചെയ്യപ്പെട്ട് നിമിഷങ്ങള്‍ക്കുള്ളില്‍ത്തന്നെ സംഗതി വൈറലായി.