ലോകത്തിലെ ഏറ്റവും വിരൂപനായ നായയ്ക്കുള്ള പുരസ്‌കാരം ഇംഗ്ലീഷ് ബുള്‍ ഡോഗ് ഇനത്തില്‍പ്പെട്ട ഒമ്പത് വയസുള്ള സാസായ്ക്ക്.

സാന്‍ഫ്രാന്‍സിസ്‌കോ ബേ ഏരിയയില്‍ ശനിയാഴ്ചയായിരുന്നു മത്സരം. വിജയിയായ നായയുടെ ഉടമയ്ക്ക് 1,500 ഡോളര്‍ സമ്മാനം ലഭിച്ചു.

നായ്ക്കളുടെ കുറവുകള്‍ വിലയിരുത്തിയാണ് വൈരൂപ്യമുള്ള നായ എന്ന പട്ടം സമ്മാനിക്കുക.

രോമമില്ലാത്ത ശരീരം, തൂങ്ങിയ നാക്ക് മുതലായവ വിലയിരുത്തപ്പെടും.

ഉടമയോടൊപ്പം റെഡ് കാര്‍പ്പെറ്റില്‍ നടക്കുന്ന നായയെയാണ് വിധികര്‍ത്താക്കള്‍ വിലയിരുത്തുന്നത്.