വ്യക്തമായ നിലപാടുകളുടേയും ശക്തമായ തീരുമാനങ്ങളുടേയും പ്രതിനിധി എന്ന നിലയില്‍ കൂടിയാണ് കാല്‍പന്തുകളിയെ സ്‌നേഹിക്കുന്ന മലയാളികളുടെ മനസില്‍ സി കെ വിനിത് ഇടിച്ചു കയറിയത്. കളിക്കളത്തിലെ പ്രതിഭ കൊണ്ടു മാത്രമല്ല!

അതുകൊണ്ടു തന്നെ മകന്‍ ജനിച്ചപ്പോള്‍ അവന്‍ മതമില്ലാതെ വളരും എന്ന വിനീതിന്റെ തീരുമാനത്തെ മലയാളികള്‍ ഒന്നടങ്കം പിന്തുണച്ചു.

ഇപ്പോഴിത വിനീത് തന്റെ മകനു പേരിട്ടിരിക്കുന്നു. പേരിലും ഒളിപ്പിച്ചു വച്ചിട്ടുണ്ട് അല്‍പ്പം കൗതുകം. വിനീത് മകന് ഇട്ട പേര് ഏഥന്‍ സ്റ്റീവ് എന്നാണ്.

ഏഥന്‍ എന്ന വാക്കിന്റെ അര്‍ഥം കരുത്തന്‍ എന്നാണ്. തന്റെ ഇഷ്ട താരമായ സ്റ്റീവ് ജെറാള്‍ഡിന്റെ പേര് തന്നെ മകനും നല്‍കി. കഴിഞ്ഞ ഫെബ്രുവരി 23-നായിരുന്നു സി കെ വിനീതിന് ആണ്‍ കുഞ്ഞു ജനിച്ചത്. കണ്ണുര്‍ സ്വദേശിയായ ശരണ്യയാണു വിനീതിന്റെ ഭാര്യ.