ഹലോ കിറ്റി, ഷിന്‍കാന്‍സെന്‍ ജപ്പാന്റെ രണ്ടു പ്രതീകങ്ങളാണ്. അവ  അവസാനം ഒന്നുചേര്‍ന്നു.

ലോകപ്രശസ്ത സാങ്കല്‍പിക കഥാപാത്രമായ ഹലോ കിറ്റിയുടെ തീമിലാണ് ജപ്പാന്റെ സ്വന്തം ബുള്ളറ്റ് ട്രെയിന്‍ മോഡലായ ഷിന്‍കാന്‍സെനിന്റെ പുതിയ പതിപ്പ് അവതരിപ്പിച്ചിരിക്കുന്നത്.

വെസ്റ്റ് ജപ്പാന്‍ റെയില്‍വേ കോര്‍പറേഷനാണ് ഇതിനു പിന്നില്‍.

ട്രെയിന്‍ ഭിത്തി, സീറ്റുകള്‍, കര്‍ട്ടന്‍ തുടങ്ങിയവയില്‍ ഹലോ കിറ്റിയും കൂട്ടുകാരും ഇടംപിടിച്ചിട്ടുണ്ട്.

യാത്രക്കാര്‍ക്ക് ഷിന്‍കാന്‍ സെന്‍ യൂണിഫോമിലുള്ള കിറ്റിയുടെയൊപ്പം ചിത്രമെടുക്കാനുള്ള അവസരവും ട്രെയിനിനുള്ളില്‍ ഒരുക്കിയിട്ടുണ്ട്.