എല്ലാം ഒരു ബള്‍ബ് നല്‍കിയ 'പ്രചോദനം'!
കോയമ്പത്തൂരിലെ ചേരന്‍ മാ നഗറില്‍ നിന്നുള്ള ഒരു വീഡിയോ ദൃശ്യം ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.
വളരെ തിരക്കുള്ള ഒരു റോഡിന്റെ നടപ്പാതയില്‍ ഒരു മനുഷ്യന്‍ വ്യായാമം ചെയ്യുകയാണ്. രാവിലെ 5 മണിയാണ് സമയം. വ്യായാമത്തിന് പറ്റിയ സമയം തന്നെയെന്ന് ആരും സമ്മതിക്കും.എന്നാല്‍ ഇദ്ദേഹത്തിന്റെ എക്‌സസൈസ് വിഡിയോ കണ്ടവര്‍ മൂക്കത്ത് വിരല്‍ വെയ്ക്കുകയാണ്. അതിന്റെ കാരണം അറിയണോ...?
സിസി ടിവി പിടിച്ചെടുത്ത ദൃശ്യങ്ങളില്‍ കക്ഷി വ്യായാമം ചെയ്യുന്നതുപോലെ അഭിനയിക്കുന്നേയുള്ളൂ... വ്യാജ വ്യായാമം. എന്തിനെന്നല്ലേ...വളരെ കാഷ്വല്‍ ആയി, കയ്യെല്ലാം മുകളിലേക്ക് സ്‌ട്രെച്ച് ചെയ്ത് പതുക്കെ അയാളുടെ തലയ്ക്കു മുകളിലുള്ള ബള്‍ബ് സോക്കറ്റില്‍ നിന്ന് ബള്‍ബെടുക്കാന്‍ നോക്കുന്നു. റോഡിലൂടെ വണ്ടിപോകുന്നത് കാണുമ്പോള്‍ പെട്ടെന്ന് എക്‌സസൈസ് പുനരാരാംഭിക്കും. ഇതായിരുന്നു രീതി.
എന്തായാലും കക്ഷി ബള്‍ബ് അടിച്ചു മാറ്റി. അത് പയ്യെ പോക്കറ്റിലുമിട്ടു. പിന്നീട് ഒന്നും അറിയാത്തപോലെ ഫുട്പാത്തിലൂടെ ഒരു നടത്തവും. എന്നാല്‍ സിസിടിവി എല്ലാം കാണുന്നുണ്ടെന്ന് പാവം ബള്‍ബ് കള്ളന്‍ അറിഞ്ഞില്ല.
രസകരമായ വിഡിയോ കണ്ട എല്ലാവരും ചോദിക്കുന്നത് ഒരു കാര്യം മാത്രം. എന്നാലും ഒരു ബള്‍ബിനൊക്കെ വേണ്ടി ഇമ്മാതിരി കോപ്രായങ്ങള്‍ കാണിക്കുന്ന മനുഷ്യരുമുണ്ടല്ലോ....എന്താ ലേ....!
https://www.facebook.com/Malayalivartha
