ഈ കെട്ട്യോനേയും കെട്ട്യോളേയും കണ്ട് നോക്കൂ..!!
ലോകം മുഴുവനും ലോകകപ്പ് ഫുട്‌ബോളിന്റെ ആവേശത്തിലാണ്. മലയാളികളുടെ കാര്യം പ്രത്യേകിച്ച് പറയണോ? എന്നാല്‍ മലയാളത്തില്‍ കമന്ററിയും കൂടി എത്തിയതോടെ ആവേശം ഇരട്ടിച്ചു. അതിന് ഷൈജു ദാമോദരന്റെ ശബ്ദമെത്തിയപ്പോള്‍ ആവേശം കൊടുമുടി കയറി.
അക്ഷരാര്‍ത്ഥത്തില്‍ ഫുട്‌ബോള്‍ ആവേശം ഷൈജുവിലൂടെ സോഷ്യല്‍ മീഡിയയില്‍ തരംഗം തീര്‍ക്കുകയാണ്. ഡബ്മാഷിലും താരം ഷൈജു ദാമോദരന്‍ തന്നെയാണ്. അഡാറ് ഹിറ്റാണ് ഷൈജുവിനെ അനുകരിച്ച് വരുന്ന ഡബ് സ്മാഷ് വിഡിയോകള്‍ എല്ലാം തന്നെ. അതില്‍ വൈറലോട് വൈറല്‍ ആകുന്ന ഒരു വിഡിയോ ആണിത്. അനുരാജും പ്രീനയുമാണീ കിടു വിഡിയോയ്ക്ക് പിന്നില്‍.
ശരിക്കും അദ്ദേഹത്തിന്റെ ശബ്ദത്തിന്റെ എല്ലാവിധ താളങ്ങളും ഒപ്പിച്ചെടുത്ത വിഡിയോ ഫേസ്ബുക്ക് പേജുകളില്‍ ഹിറ്റും ലൈക്കും വാരിക്കൂട്ടുകയാണ്. എനര്‍ജി ഗെയിമാണ് ഫുട്‌ബോള്‍. അപ്പോള്‍ കമന്ററി പറയുന്നതിലും ആ ഊര്‍ജ്ജം പ്രകടമാകണം. ഇല്ലെങ്കില്‍ പിന്നെന്ത് കമന്ററി. അതിന് സാധിച്ചുവെന്നതാണ് ഷൈജുവിന്റെ വിജയം. ഇപ്പോഴിതാ ഈ ഡബ്മാഷില്‍ കെട്ട്യോനും കെട്ട്യോളും ഒപ്പിയെടുത്തിരിക്കുന്നത് അതേ ഊര്‍ജ്ജം തന്നെ. ഇവരുടെ മുഖത്തെ ഭാവ വ്യത്യാസങ്ങളും ശബ്ദത്തിലെ ടോണ്‍ മൂഡുമെല്ലാം കലക്കിയിട്ടുണ്ട്.
ആ റൊണാള്‍ ഡോ..........................ഡോ പറച്ചിലില്‍ തന്നെ അത് പ്രകടം. എന്തായാലും ഡബ്‌സ്മാഷുകാരുടെയും സൂപ്പര്‍ സെലിബ്രിറ്റിയായി മാറിയിരിക്കുകയാണ് ഷൈജു.
https://www.facebook.com/Malayalivartha
