ആ തീരുമാനം ശരിയായിരുന്നില്ല മര്‍ലാണ്‍ സാമുവല്‍സ്
വെസ്റ്റ് ഇന്‍ഡീസ് ക്രിക്കറ്റ് ബോര്‍ഡുമായുള്ള അഭിപ്രായ ഭിന്നതകളെത്തുടര്‍ന്ന് ഇന്ത്യന്‍ പര്യടനം വെട്ടിച്ചുരുക്കി മടങ്ങാനുള്ള തീരുമാനത്തിന്റെ പേരില്‍ ടീമിനുള്ളില്‍ ചേരിതിരിവ്. ടീം കൈക്കൊള്ളുന്ന ഏതു തീരുമാനത്തിനും ഒപ്പം നില്‍ക്കുമെന്നു സമ്മതിച്ചിരുന്നുവെന്ന ക്യാപ്റ്റന്‍ ഡ്വെയ്ന്‍ ബ്രാവോയുടെ അഭിപ്രായം ശരിയല്ലെന്ന് മര്‍ലോണ്‍ സാമുവല്‍സ്.
പരമ്പര തീര്‍ന്നശേഷം പ്രശ്‌നം പരിഹരിക്കാമെന്ന നിലപാടിലായിരുന്നു താനെന്ന് സാമുവല്‍സ് പറയുന്നു. ഏതു തീരുമാനത്തിനും ഒപ്പം നില്‍ക്കുമെന്ന് ഞാന്‍ പറഞ്ഞിട്ടേയില്ല. കാരണം അത്തരം ഒരു ചോദ്യം ആരും എന്നോട് ചോദിച്ചിട്ടില്ല. വ്യക്തികളാണല്ലോ ഇതു സംബന്ധിച്ച തീരുമാനം എടുക്കേണ്ടത്. കാര്യമായ ഒരു ചര്‍ച്ചയും നടന്നിട്ടില്ല. എന്റെ സംശയങ്ങള്‍ ഞാന്‍ ബന്ധപ്പെട്ടവര്‍ക്കു മുന്നില്‍ ഉന്നയിച്ചു. മറുപടിയില്‍ ഞാന്‍ ഒട്ടും തൃപ്തനായിരുന്നില്ല സാമുവല്‍സ് വെളിപ്പെടുത്തി.
https://www.facebook.com/Malayalivartha
