യുവസ്പിന്നര്‍ തൈജൂല്‍ ഇസ്ലാമിന് അരങ്ങേറ്റ മത്സരത്തില്‍ തന്നെ ചരിത്രനേട്ടം
ഏകദിന ക്രിക്കറ്റില്‍ അരങ്ങേറ്റ മത്സരത്തില്‍ തന്നെ ബംഗ്ലാദേശിന്റെ യുവസ്പിന്നര്‍ തൈജൂല്‍ ഇസ്ലാമിന് ചരിത്രനേട്ടം. ഹാട്രിക് സ്വന്തമാക്കുന്ന ആദ്യ ബൗളറായിരിക്കുകയാണ് ഇസ്ലാം. സിംബാംബാവെയ്‌ക്കെതിരെ ധാക്കയിലെ ഷേര്‍ ഇ ബംഗ്ലാ സ്റ്റേഡിയത്തില്‍ നടക്കുന്ന മത്സരത്തിലാണ് ഇസ്ലാം ചരിത്രം കുറിച്ചത്.
ഇരുപത്തിയേഴാം ഓവറിന്റെ അവസാനപന്തില്‍ തിനാഷെ പന്യങ്കരയെ ബൗള്‍ ചെയ്തു പുറത്താക്കി. ഇരുപത്തിയെട്ടാം ഓവറിന്റെ ആദ്യ പന്തില്‍ ജോണ്‍ നുബുവിനെ വിക്കറ്റിനു കുടുക്കി. തൊട്ടടുത്ത പന്തില്‍ തെന്‍ഡായ് ചത്താരയെ എറിഞ്ഞു വീഴ്ത്തി. ഏഴു ഓവര്‍ പന്തെറിഞ്ഞ തൈജൂല്‍ ഇസ്ലാം 11 റണ്‍സ് മാത്രം വിട്ടു കൊടുത്ത് നാലു വിക്കറ്റെടുത്തു.
രാജ്യാന്തര ഏകദിനമത്സരത്തില്‍ ഹാട്രിക് സ്വന്തമാക്കുന്ന നാല്‍പത്തിയഞ്ചാമത് അന്താരാഷ്ട്ര ബൗളറും നാലാമത് ബംഗ്ലാദേശി ബൗളറുമാണ് ഈ ഇടംകൈയന്‍ സ്പിന്നര്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
