ധോണി ആദ്യ ടെസ്റ്റില്‍ കളിക്കില്ല; ക്ലാര്‍ക്ക് കളിക്കും
ചൊവ്വാഴ്ച തുടങ്ങുന്ന ആദ്യ ടെസ്റ്റില്‍ ഇന്ത്യന്‍ ക്യാപ്റ്റന്‍ എം.എസ്.ധോണി കളിക്കില്ലെന്ന് ഉറപ്പായി. ധോണി പരിക്കില്‍ നിന്നും പൂര്‍ണമായും മുക്തനായിട്ടില്ല. വിരാട് കോഹ്‌ലി ഇന്ത്യയെ നയിക്കും. അതേസമയം പരിക്കിന്റെ പിടിയിലായിരുന്ന ഓസ്‌ട്രേലിയന്‍ ക്യാപ്റ്റന്‍ മൈക്കിള്‍ ക്ലാര്‍ക്ക് ശാരീരികക്ഷമത വീണ്ടെടുത്തു. അഡ്‌ലെയ്ഡില്‍ ക്ലാര്‍ക്കിന്റെ നേതൃത്വത്തിലാവും ഓസീസ് കളത്തിലിറങ്ങുക.
മത്സരത്തിന് ഒരു ദിവസം മുന്‍പ് തന്നെ ഓസ്ട്രലിയ അന്തിമ ഇലവനെ പ്രഖ്യാപിച്ചു. ഷോണ്‍ മാര്‍ഷും ഫാസ്റ്റ് ബൗളര്‍ ജോഷ് ഹേസില്‍വുഡും ടീമിലില്ല. ക്രിസ് റോജേഴ്‌സും ഡേവിഡ് വാര്‍നറും ഇന്നിംഗ്‌സ് ഓപ്പണ്‍ ചെയ്യും. മിച്ചല്‍ ജോണ്‍സണ്‍ നേതൃത്വം നല്കുന്ന പേസ് നിരയില്‍ റയാന്‍ ഹാരിസും പീറ്റര്‍ സിഡിലും ഉണ്ട്. നഥാന്‍ ലയോണ്‍ സ്പിന്നറായി ടീമിലെത്തി.
അതിനിടെ പരമ്പര തുടങ്ങുന്നതിന് മുന്‍പ് തന്നെ ഇന്ത്യയ്ക്ക് പരിക്കിന്റെ വേദന തുടങ്ങി. പരിശീലനത്തിനിടെ കണങ്കാലിന് പരിക്കേറ്റ ഫാസ്റ്റ് ബൗളര്‍ ഭുവനേശ്വര്‍ കുമാറിന് ആദ്യ രണ്ടു ടെസ്റ്റുകള്‍ നഷ്ടമായേക്കും. ഇക്കാര്യത്തില്‍ അന്തിമ തീരുമാനം ചൊവ്വാഴ്ച എടുക്കുമെന്ന് കോഹ്‌ലി പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
