ഇന്ത്യയ്‌ക്കെതിരായ ടെസ്റ്റ് പരമ്പരയിലെ ശേഷിക്കുന്ന മത്സരങ്ങളില്‍ ഓസ്‌ട്രേലിയന്‍ ടീമിനെ യുവതാരം സ്റ്റീവ് സ്മിത്ത് നയിക്കും. ക്യാപ്റ്റന്‍ മൈക്കിള്‍ ക്ലാര്‍ക്ക് പരിക്കേറ്റ് പുറത്തായതിനാലാണ് ക്രിക്കറ്റ് ഓസ്‌ട്രേലിയ സ്മിത്തിന് നായക സ്ഥാനം നല്കിയത്. ഓസ്‌ട്രേലിയയുടെ നാല്പത്തിയഞ്ചാം ടെസ്റ്റ് ക്യാപ്റ്റനാണ് സ്മിത്ത്.
ബുധനാഴ്ചയാണ് പരമ്പരയിലെ രണ്ടാം ടെസ്റ്റ് ബ്രിസ്‌ബെയ്‌നില്‍ തുടങ്ങുന്നത്. അഡ്‌ലെയ്ഡിലെ ആദ്യ ടെസ്റ്റിന്റെ ഒന്നാം ഇന്നിംഗ്‌സില്‍ സെഞ്ചുറിയും (പുറത്താകാതെ 162), രണ്ടാം ഇന്നിംഗ്‌സില്‍ അര്‍ധ സെഞ്ചുറിയും (പുറത്താകാതെ 52) നേടിയ സ്മിത്ത് മികച്ച ഫോമിലാണ്.