ടീം ഇന്ത്യയ്‌ക്കെതിരെ വിവാദ വാര്‍ത്തകള്‍ പ്രചരിപ്പിക്കുന്ന മാധ്യമങ്ങള്‍ക്കെതിരെ നായകന്‍ മഹേന്ദ്ര സിങ് ധോണിയുടെ പരിഹാസം. ഓസട്രേലിയക്കെതിരായ രണ്ടാം ക്രിക്കറ്റ് ടെസ്റ്റിനിടെ വിരാട് കൊഹ്‌ലി ധവാനെ കത്തി കൊണ്ട് കുത്തിയെന്നാണ് ധോണി പരിഹാസത്തോടെ പറഞ്ഞത്. 

താരങ്ങള്‍ തമ്മില്‍ ഡ്രസിംഗ് റൂമില്‍ വാക്തര്‍ക്കമുണ്ടായെന്ന വാര്‍ത്തകള്‍ തെറ്റാണെന്നും ധോണി പറഞ്ഞു. വിവാദ റിപ്പോര്‍ട്ടിനെ കുറിച്ച് മാധ്യമപ്രവര്‍ത്തകര്‍ ചോദിച്ചപ്പോള്‍ ധോണി ഇങ്ങനെയാണ് പ്രതികരിച്ചത്, സത്യത്തില്‍ സംഭവിച്ചത് ഇതാണ്. കത്തിയെടുത്ത് കൊഹ്‌ലി ധവാനെ കുത്തി. ഭാഗ്യത്തിന് രക്ഷപ്പെട്ട ധവനെ നിര്‍ബന്ധിച്ച് ഞങ്ങള്‍ ബാറ്റിംഗിന് അയക്കുകയായിരുന്നുവെന്നും ധോണി പരിഹസിച്ചു.
ഇത്തരം നിറംപിടിച്ച കഥകള്‍ മെനഞ്ഞവരെ സമ്മതിക്കണം. വാര്‍ണര്‍ ബ്രദേഴ്‌സോ മറ്റാരെങ്കിലുമോ ഇത്തരം കഥ ലഭിച്ചാല്‍ മികച്ച സിനിമ നിര്‍മ്മിച്ചേക്കും. ടീമിലെ ആരെങ്കിലുമാണ് ഇത്തരമൊരു കഥ അറിയിച്ചതെങ്കില്‍ അതിനൊരു വിശ്വസനീയത വരുമായിരുന്നുവെന്നും ധോണി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha