ടീം ഇന്ത്യ പുതുവര്‍ഷം ആഘോഷിച്ചത് ഓസ്‌ട്രേലിയന്‍ പ്രധാനമന്ത്രിയോടൊപ്പം. ഓസ്‌ട്രേലിയയില്‍ പര്യടനം നടത്തുന്ന ടീം ഇന്ത്യ പുതുവര്‍ഷ ദിനത്തില്‍ പ്രധാനമന്ത്രി ടോണി അബോട്ട് നല്കിയ വിരുന്നില്‍ പങ്കെടുത്തു. ടെസ്റ്റില്‍ നിന്നും വിരമിച്ച മുന്‍ നായകന്‍ എം.എസ്.ധോണിയുടെ അസാന്നിധ്യം വിരുന്നില്‍ ശ്രദ്ധേയമായി. കിര്‍ബിലിയിലെ പ്രധാനമന്ത്രിയുടെ ഔദ്യോഗിക വസതിയിലാണ് ആഘോഷം നടന്നത്. ഓസ്‌ട്രേലിയന്‍ ടീം ആഘോഷത്തില്‍ പങ്കെടുത്തു.
പ്രധാനമന്ത്രിയുടെ ക്ഷണം സ്വീകരിച്ച് ടീം ഇന്ത്യ ചടങ്ങില്‍ പങ്കെടുത്തതിന്റെ ചിത്രങ്ങള്‍ ബിസിസിഐ തന്നെയാണ് ട്വിറ്ററിലൂടെ പുറത്തുവിട്ടത്. ഇന്ത്യന്‍ നായകന്‍ വിരാട് കോഹ്‌ലിയും ഓസീസ് നായകന്‍ സ്റ്റീവ് സ്മിത്തും പ്രധാനമന്ത്രിക്കൊപ്പം നില്‍ക്കുന്ന ചിത്രവും പുറത്തുവന്നിട്ടുണ്ട്. ധോണി ഒഴികെയുള്ള താരങ്ങളെല്ലാം വിരുന്നിനെത്തുകയും ചെയ്തു. ധോണി വിരുന്നില്‍ എത്താതിരുന്നതിന്റെ കാരണം ഇപ്പോഴും വ്യക്തമായിട്ടില്ല. അപ്രതീക്ഷമായി ധോണി ടെസ്റ്റില്‍ നിന്നും വിരമിക്കല്‍ പ്രഖ്യാപിച്ചതിന് പിന്നാലെ ടീം ഇന്ത്യയുടെ വിരുന്നില്‍ നിന്നും മാറിനിന്നത് മാധ്യമങ്ങള്‍ ഏറെ ചര്‍ച്ച ചെയ്യപ്പെടുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha