വാതുവെപ്പില്‍ പ്രമുഖ താരങ്ങള്‍ക്കും പങ്കുണ്ടെന്ന്‌ മൊഴി. ചെന്നൈ സൂപ്പര്‍ കിംഗ്‌സിന്റെ ഒരു മുതിര്‍ന്ന താരത്തിന്‌ പങ്കുണ്ടെന്നാണ്‌ മൊഴി. എന്നാല്‍ ഇതു സംബന്ധിച്ച്‌ കൂടുതല്‍ തെളിവുകള്‍ ലഭിക്കാതെ പേരുവിവരങ്ങള്‍ വെളിപ്പെടുത്തില്ല എന്നാണ്‌ പോലീസ്‌ നിലപാട്‌. ചെന്നൈ ടീം ഉടമ മെയ്യപ്പനു വേണ്ടിയാണെന്നും വിന്ദു വെളിപ്പെടുത്തിയിരുന്നു. ചെന്നൈ സൂപ്പര്‍ കിംഗ്‌സിലെ കൂടുതല്‍ താരങ്ങളെ ചോദ്യം ചെയ്‌തേക്കുമെന്നാണ്‌ സൂചന. തെളിവു ലഭിച്ചാല്‍ ഉടന്‍ അറസ്റ്റുണ്‌ടാകുമെന്നും പോലീസ്‌ അറിയിച്ചു. കൂടാതെ ബി.സി.സി.ഐ തലപ്പത്തേക്കും ഫ്രാഞ്ചൈസി ഉടമകളിലേക്കും അന്വേഷണം വ്യാപിപ്പിച്ചിട്ടുണ്ട്‌. വിന്ദുവിന്റെ ഫോണ്‍ കോളുകളെ പിന്തുടര്‍ന്നാണ്‌ അന്വേഷണം പുരോഗമിക്കുന്നത്‌.