ലോകകപ്പില്‍ ഇംഗ്ലണ്ട് ന്യൂസിലന്‍ഡിനെ നേരിടുന്നു
ലോകകപ്പ് ക്രിക്കറ്റില്‍ ഗ്രൂപ്പ് എയിലെ മത്സരത്തില്‍ ടോസ് നേടിയ ഇംഗ്ലണ്ട് ആതിഥേയരായ ന്യൂസിലാന്‍ഡിനെതിരെ ബാറ്റിംഗ് തെരഞ്ഞെടുത്തു. ഗ്രൂപ്പ് എയില്‍ മൂന്നാം ജയം പ്രതീക്ഷിച്ചാണ് ആതിഥേയരായ കിവീസ് ഇറങ്ങുന്നത്. ഇംഗ്ലണ്ട തങ്ങളുടെ ആദ്യ ജയത്തിനായും. മെല്‍ബണില്‍വച്ച് ഓസ്‌ട്രേലിയയോട് 111 റണ്‍സിന്റെ കൂറ്റന്‍ തോല്‍വി വഴങ്ങേണ്ടിവന്ന ക്ഷീണത്തിലാണ് ഇംഗ്ലണ്ട്്. ലോകകപ്പിലെ ആതിഥേയരോടാണ് ആദ്യ രണ്ടു മത്സരങ്ങളുമെന്ന കഠിനപരീക്ഷണമാണ് ഇംഗ്ലണ്ടിനുള്ളത്.
ഇതേ സമയം ഉദ്ഘാടന മത്സരത്തില്‍ ശ്രീലങ്കയെ വന്‍ മാര്‍ജിനില്‍ കീഴടക്കിയ ന്യൂസിലന്‍ഡിനു പക്ഷേ, രണ്ടാം മത്സരത്തില്‍ സ്‌കോട്ട്‌ലന്‍ഡിനെതിരേ വിയര്‍പ്പൊഴുക്കേണ്ടി വന്നു. ഏഴു ദിവസത്തിനുള്ളില്‍ മൂന്നാം മത്സരത്തിനിറങ്ങുന്ന ക്ഷീണമൊന്നും കിവീസ് സംഘത്തിലില്ല. ലോകകപ്പ് കിരീട സാധ്യതയില്‍ മുന്‍പന്തിയിലുള്ള ന്യൂസിലന്‍ഡിന്റെ ലക്ഷ്യം ഹാട്രിക് ജയമാണ്.
https://www.facebook.com/Malayalivartha
