ലോകകപ്പിനു ശേഷം ഏകദിനത്തില്‍ നിന്നു വിരമിക്കുമെന്നു യൂനിസ് ഖാന്‍
ലോകകപ്പിനു ശേഷം ഏകദിന ക്രിക്കറ്റില്‍ നിന്നും വിരമിക്കുമെന്നു പാക്കിസ്ഥാന്‍ താരം യൂനിസ് ഖാന്‍ പ്രഖ്യാപിച്ചു. എന്നാല്‍ ടെസ്റ്റു മത്സരങ്ങളില്‍ തുടര്‍ന്നും കളിക്കും. ട്വിറ്ററിലൂടെയാണു യൂനിസ് വിരമിക്കല്‍ പ്രഖ്യാപിച്ചത്. ലോകകപ്പിലെ പാക്കിസ്ഥാന്‍ തോറ്റ ആദ്യ രണ്ട് മത്സരങ്ങളിലും യുനിസ് തിളങ്ങിയിരുന്നില്ല. ദീര്‍ഘകാലത്തെ ഇടവേളയ്ക്കു ശേഷമാണു യൂനിസ് ഏകദിന ടീമിലേക്കു തിരിച്ചെത്തിയത്.
അടുത്തിടെ നടന്ന ഓസ്ട്രേലിയ, ന്യൂസിലന്‍ഡ് ടെസ്റ്റ് പരമ്പരയിലെ തകര്‍പ്പന്‍ പ്രകടനമായിരുന്നു തിരിച്ചുവരവിനു വഴിവച്ചത്. തുടര്‍ന്നു ന്യൂസിലന്‍ഡിനെതിരേ നടന്ന ഏകദിന പരമ്പരയിലും സെഞ്ചുറി നേടി യൂനിസ് വരവറിയിച്ചു. എന്നാല്‍ ലോകകപ്പിലെ പാക്കിസ്ഥാന്റെ രണ്ടു ദയനീയ തോല്‍വികള്‍ക്കു പിന്നാലെ യൂനിസ് വിരമിക്കണമെന്ന ആവശ്യവുമായി മുന്‍ താരങ്ങള്‍ രംഗത്തെത്തി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
