2019ലെ ലോകക്കപ്പ് ക്രിക്കറ്റിന്‌ ഇംഗ്ലണ്ട്‌ വേദിയാകും. കഴിഞ്ഞ ദിവസം ദുബൈയില്‍ ചേര്‍ന്ന യോഗത്തില്‍ അന്താരാഷ്ട്ര ക്രിക്കറ്റ് കൗണ്‍സിലും (ഐ.സി.സി) ഇംഗ്ളണ്ട് ആന്‍ഡ് വേല്‍സ് ക്രിക്കറ്റ് ബോര്‍ഡും (ഇ.സി.ബി) ഇതുസംബന്ധിച്ച കരാറില്‍ ഒപ്പുവെച്ചു.

2019ലെ പന്ത്രണ്ടാം ലോകകപ്പ് ഇംഗ്ളണ്ടിലായിരിക്കുമെന്ന് 2006ല്‍ തന്നെ ധാരണയിലെത്തിയിരുന്നെങ്കിലും ഔദ്യാഗിക തീരുമാനത്തിലെത്തിയത് ഇപ്പോഴാണ്. കളിക്കാര്‍ക്ക് നിലവാരമുള്ള വേദി നല്‍കാന്‍ ഇംഗ്ളണ്ട് ആന്‍ഡ് വേല്‍സ് ക്രിക്കറ്റ് ബോര്‍ഡിന് സാധിക്കുമെന്നും നല്ല ടൂര്‍ണമെന്‍്റിനായി ഒരുമിച്ച് പ്രവര്‍ത്തിക്കുമെന്നും ഐ.സി.സി ചീഫ് എക്സിക്യുട്ടീവ് ഡേവിഡ് റിച്ചാര്‍ഡ്സണ്‍ പറഞ്ഞു.

2019 ജൂണില്‍ നടക്കുന്ന ടൂര്‍ണമെന്‍റ് പത്തു വേദികളിലായായിരിക്കും അരങ്ങേറുക.

1975-ലാണ് ഇംഗ്ളണ്ട് ആദ്യമായി ക്രിക്കറ്റ് ലോകക്കപ്പിന് വേദിയായത്. പിന്നീട് 1979, 1983, 1999 വര്‍ഷങ്ങളിലും ഇംഗ്ളണ്ട് ക്രിക്കറ്റ് ലോകക്കപ്പിന് വേദിയായി.