വാതുവെപ്പില്‍ അറസ്റ്റിലായ അങ്കിത്‌ ചവാന്‌ ജാമ്യം ലഭിച്ചു
30 MAY 2013 06:28 AM IST
മലയാളി വാര്‍ത്ത.
ഐ.പി.എല്‍ ഒത്തുകളി കേസില്‍ അറസ്റ്റിലായ അങ്കിത്‌ ചവാന്‌ ജാമ്യം ലഭിച്ചു. അങ്കിതിന്റെ വിവാഹം ജൂണ്‍ രണ്ടിന്‌ നടത്താന്‍ തീരുമാനിച്ചിരുന്നു. ഇത് കണക്കിലെടുത്താണ്‌ കോടതി ജാമ്യം അനുവദിച്ചിരിക്കുന്നത്‌. എന്നാല്‍ ചവാന്‌ ജാമ്യം അനുവദിക്കുന്നത്‌ പ്രോസിക്യൂഷന്‍ എതിര്‍ത്തു. പുറത്തിറങ്ങിയാല്‍ തെളിവ് നശിപ്പിക്കാന്‍ ശ്രമിക്കുമെന്നാണ്‌ പ്രോസിക്യൂഷന്‍ കോടതിയില്‍ വാദിച്ചത്‌. എന്നാല്‍ കര്‍ശന വ്യവസ്ഥകളോടെ ഡല്‍ഹി സെഷന്‍സ്‌ കോടതി ജാമ്യം അനുവദിക്കുകയായിരുന്നു. ഒരു ലക്ഷം രൂപ ജാമ്യത്തുകയുടേയും,ആള്‍ ജാമ്യത്തിന്റേയും അടിസ്ഥാനത്തില്‍ ജൂണ്‍ ആറു വരെയാണ്‌ ജാമ്യം. എന്നാല്‍ ചവാനൊപ്പം അറസ്റ്റിലായ ശ്രീശാന്തിനും, ചാന്ദിലക്കും ജാമ്യം ലഭിച്ചിട്ടില്ല. ജൂണ്‍ നാലിന്‌ ശ്രീശാന്തിന്റെ ജാമ്യഹര്‍ജി കോടതി പരിഗണിക്കും
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
