സഞ്‌ജു അണ്ടര്‍ 19 ടീമിന്റെ ഉപനായകന്‍
ഇക്കഴിഞ്ഞ ഐ.പി.എല്ലിലെ ഹീറോ എന്ന്‌ വേണമെങ്കില്‍ സഞ്‌ജു വി സാംസണിനെ വിശേഷിപ്പിക്കാം. ഐ.പി.എല്ലിലെ മികച്ച യുവതാരമായി തിരഞ്ഞെടുക്കപ്പെട്ടതും ഈ മലയാളി താരമാണ്‌. ഐ.പി.എല്ലില്‍ രാജസ്ഥാനുവേണ്ടി പത്ത്‌ ഇന്നിംഗ്‌സുകളിലായി 206 റണ്‍സ്‌ സഞ്‌ജു നേടിയിരുന്നു.
ഓസേട്രേലിയയില്‍ നടക്കുന്ന അണ്ടര്‍ 19 ത്രിരാഷ്ട്ര പരമ്പരക്കുള്ള ടീമിന്റെ വൈസ്‌ ക്യാപ്‌റ്റനായി സഞ്‌ജുവിനെ തെരെഞ്ഞെടുത്തിരിക്കുന്നു എന്ന വാര്‍ത്തയാണ്‌ പുതിയതായി മലയാളികള്‍ക്ക്‌ അഭിമാനത്തിന്‌ വകതരുന്നത്‌. ഇതിനു മുന്‍പ്‌ 2012ലെ അണ്ടര്‍ 19 ഏഷ്യാ ലോകകപ്പില്‍ സഞജു ഇടം പിടിച്ചിരുന്നു. ഇക്കഴിഞ്ഞ പ്ലസ്‌ടു പരീക്ഷ മോശമല്ലാത്ത രീതിയില്‍ ജയിച്ച്‌ തന്റെ ഡിഗ്രി പ്രവേശനത്തിരക്കിലാണ്‌ സഞ്‌ജു. മകന്റെ ഉയര്‍ച്ചയില്‍ സന്തോഷമുണ്ടെന്ന്‌ സഞ്‌ജുവിന്റെ പിതാവ്‌ വിശ്വനാഥ്‌ സാംസണ്‍ പറഞ്ഞു.
ജൂണ്‍ 30 നാണ്‌ പരമ്പര ആരംഭിക്കുന്നത്‌. ഇന്ത്യയും ഓസ്‌ട്രേലിയയും കൂടാതെ ന്യൂസിലാന്റ്‌ ആണ്‌ മൂന്നാമത്തെ ടീം. വിജയ്‌ സോളാണ്‌ ഇന്ത്യയെ നയിക്കുന്നത്‌.
https://www.facebook.com/Malayalivartha
