മുന്‍ ഓസ്‌ട്രേലിയന്‍ ക്രിക്കറ്റ് ക്യാപ്റ്റനും കമന്റേറ്ററുമായ റിച്ചി ബെനൊ (84) അന്തരിച്ചു. സ്‌കിന്‍ കാന്‍സറിനെ തുടര്‍ന്ന് സിഡ്‌നിയില്‍ ചികില്‍സയിലായിരുന്ന ആശുപത്രിയില്‍ ഉറക്കത്തിനിടെയായിരുന്നു അന്ത്യം. ചാനല്‍ 9ല്‍ കമന്റേറ്ററായി ജോലി ചെയ്തുവരികയായിരുന്നു. \'ക്രിക്കറ്റിന്റെ ശബ്ദം എന്നാണ് അറിയപ്പെട്ടിരുന്നത്.

63 ടെസ്റ്റ് മല്‍സരങ്ങള്‍ കളിച്ചിട്ടുണ്ട്. ടെസ്റ്റ് ക്രിക്കറ്റില്‍ 2000 റണ്‍സും 200 വിക്കറ്റും തികച്ച ആദ്യതാരമാണ് ബെനൊ. വേള്‍ഡ് സിരീസ് മല്‍സങ്ങള്‍ക്ക് തുടക്കം കുറിക്കുന്നതില്‍ നിര്‍ണായക പങ്ക് വഹിച്ചിട്ടുണ്ട്. ബെനൊ ക്യാപ്റ്റനായിരുന്ന ഒരു പരമ്പരയില്‍ പോലും ഓസ്‌ട്രേലിയ പരാജയപ്പെട്ടിട്ടില്ല.

ഓസ്‌ട്രേലിയയ്ക്കിത് സങ്കടത്തിന്റെ ദിനമാണെന്ന് പ്രധാനമന്ത്രി ടോണി അബട്ട് ട്വീറ്റ് ചെയ്തു. ക്രിക്കറ്റ് ചാംപ്യനെയും ഓസ്‌ട്രേലിയയുടെ ഐക്കണെയുമാണ് ഇന്ന് നഷ്ടപ്പെട്ടതെന്നും ട്വീറ്റില്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha