ചാമ്പ്യന്‍സ്‌ ട്രോഫിയില്‍ ആതിഥേയരായ ഇംഗ്ലണ്ട്‌ ഫൈനലില്‍ കടന്നു. സെമിയില്‍ ദക്ഷിണാഫ്രിക്കയെ ഏഴുവിക്കറ്റിന്‌ പരാജയപ്പെടുത്തിയാണ്‌ ഇംഗ്ലണ്ട്‌ ഫൈനലില്‍ പ്രവേശിച്ചത്‌. ദക്ഷിണാഫ്രിക്ക ഉയര്‍ത്തിയ 176 റണ്‍സ്‌ വിജയലക്ഷ്യം 75 പന്ത്‌ ബാക്കി നില്‍ക്കെ ഇംഗ്ലണ്ട്‌ മറികടന്നു. ഇന്നു നടക്കുന്ന ഇന്ത്യ-ശ്രീലങ്ക സെമി മത്സരത്തിലെ വിജയിയെ ഇംഗ്ലണ്ട്‌ ഫൈനലില്‍ നേരിടും. ആദ്യം ബാറ്റുചെയ്‌ത ദക്ഷിണാഫ്രിക്കയെ 175 റണ്‍സിന്‌ ഓള്‍ഔട്ടാക്കിയ ബൗളര്‍മാരാണ്‌ ഇംഗ്ലണ്ടിന്‌ ആധികാരിക വിജയം നല്‍കിയത്‌. കൂടാതെ മറുപടി ബാറ്റിംഗിനിറങ്ങിയ ഇംഗ്ലണ്ടിനുവേണ്ടി ട്രോട്ട്‌ പുറത്താവാതെ 82 റണ്‍സും, റൂട്ട്‌ 48 റണ്‍സും എടുത്തു. മൂന്ന്‌ വിക്കറ്റ്‌ നഷ്ടത്തിലാണ്‌ ഇംഗ്ലണ്ട്‌ ദക്ഷിണാഫ്രിക്കയെ മടക്കിക്കെട്ടിയത്‌.