പൊതുവില്‍ താരങ്ങളും മറ്റും കുടുംബത്തിനൊത്ത് ചിലവഴിക്കാന്‍ സമയം കിട്ടുന്നില്ല എന്ന് പരാതിപ്പെടുന്നവരാണ് എന്നാല്‍ അങ്ങനെയുള്ളവര്‍ സൂപ്പര്‍ താരം സച്ചിനെ കണ്ടുപഠിക്കണം. ക്രിക്കറ്റില്‍ നിന്നും പിരിഞ്ഞശേഷം മറ്റു പരിപാടികള്‍ എല്ലാം റദ്ദാക്കി ഇപ്പോള്‍ മുഴുവന്‍ സമയവും താരം കുടുംബത്തോടൊപ്പമാണ്.
ഭാര്യ അഞ്ജലിക്കും മക്കളായ അര്‍ജുന്റെയും സാറയുടെയും കൂടെ കളിചിരികളുമായി മുഴുവന്‍ സമയവും താരം ചെലവിടുകയാണ്.
ക്രിക്കറ്റ് കളിച്ചിരുന്ന കാലത്ത് കുടുംബവുമൊത്ത് ചെലവഴിക്കാന്‍ അധികം സാധിച്ചിട്ടില്ല. ഇപ്പോള്‍, ആ സമയമെല്ലാം തിരിച്ചുപിടിക്കാനുള്ള ശ്രമത്തിലാണ് സച്ചിന്‍. ഇടയ്ക്ക് സ്വകാര്യ ചടങ്ങുകളില്‍ പങ്കെടുക്കാന്‍ പോകുമ്പോള്‍, ആരാധകര്‍ നല്‍കുന്ന സ്‌നേഹ വായ്പുകള്‍ തന്നെ പഴയ കളിക്കാലത്തേയ്ക്ക് തിരിച്ചുകൊണ്ടുപോകുമെന്നും സച്ചിന്‍ പറയുന്നു. എവിടെച്ചെന്നാലും സച്ചിന്‍ വിളികളുമായി ആരാധകര്‍ ഇതിഹാസ താരത്തെ ഒപ്പം കൂട്ടുകയും ചെയ്യുന്നു.
ഇന്ത്യന്‍ ക്രിക്കറ്റിലെ സുപ്രധാന പദവികളിലൊന്ന് സച്ചിനെ തേടിയെത്തുമെന്ന സൂചനയുണ്ട്. മുബൈ ഇന്ത്യന്‍സ് ടീമിനൊപ്പവും സച്ചിനെ കാണാം. ടീമിന്റെ ഐപിഎല്‍ കിരീട നേട്ടത്തിലും സച്ചിന്റെ സ്വാധീനം വ്യക്തമായിരുന്നു. ഇന്ത്യന്‍ സൂപ്പര്‍ ലീഗില്‍ കൊച്ചി ടീമിന്റെ അമരത്തുമുണ്ട്. എന്നാല്‍ ഇവയ്ക്കുള്ള യാത്രകള്‍ പോലും കുടുംബത്തിനായി സച്ചിന്‍ പരമാവധി കുറയ്ക്കുകയാണ്.
അര്‍ജുനൊപ്പം പെയിന്റ്‌ബോളും ബൗളിങ്ങും കളിച്ച് സമയം പോക്കുകയാണ് ഇപ്പോള്‍ സച്ചിന്റെ പ്രധാന പരിപാടി. സച്ചിന്റെ സുഹൃത്തുക്കളും അര്‍ജുന്റെ സുഹൃത്തുക്കളും ടീമുകളായി തിരിഞ്ഞാണ് പെയിന്റ്‌ബോള്‍ കളിക്കുന്നത്. ഇടയ്ക്ക് മകള്‍ സാറയും ഒപ്പം കൂടുമെന്നും സച്ചിന്‍ പറയുന്നു. കുട്ടികളുമായി അടുക്കാന്‍ ഇത്തരം കളികളാണ് തന്നെ സഹായിക്കുന്നതെന്ന് അദ്ദേഹം പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha