ഇന്ത്യന്‍ ക്രിക്കറ്റ് ടീമിന്റെ സിംബാബ്‌വെ പര്യടനം റദ്ദാക്കി. മത്സരാധിക്യം മൂലം ടീമിന്റെ കായികക്ഷമത കുറഞ്ഞുവെന്ന് ചൂണ്ടിക്കാട്ടിയാണ് പര്യടനം റദ്ദാക്കിയത്. അതേസമയം എം.എസ് ധോണി ക്യാപ്റ്റന്‍സി ഒഴിയാന്‍ സന്നദ്ധത പ്രകടിപ്പിച്ചതിന് പിന്നാലെ പരമ്പര റദ്ദാക്കിയത് അഭ്യുഹങ്ങള്‍ക്കിടയാക്കിയിട്ടുണ്ട്. മൂന്ന് ഏകദിന മത്സരങ്ങളും രണ്ട് ട്വന്റി ട്വന്റി മത്സരങ്ങളുമാണ് പര്യടനത്തില്‍ ഉള്‍പ്പെടുത്തിയിരുന്നത്.
അടുത്ത മാസം പത്തിനാണ് പരമ്പര ആരംഭിക്കേണ്ടിയിരുന്നത്. ടെന്‍ സ്‌പോര്‍ടുമാസുള്ള സംപ്രേക്ഷണ കരാറിലെ തര്‍ക്കങ്ങളും പരമ്പരയില്‍ നിന്ന് പിന്‍മാറുന്നതിന് കാരണമായി പറയപ്പെടുന്നു. ബി.സി.സി.ഐയുടെ വിശദീകരണ കുറിപ്പിലും ഇക്കാര്യം വ്യക്തമാക്കുന്നു. ടെന്‍ സ്‌പോര്‍ട്‌സുമായുള്ള സംപ്രേക്ഷണ കരാര്‍ തര്‍ക്കത്തിലായിരുന്നു. പരമ്പര റദ്ദാക്കുന്നതിന്റെ മുഖ്യ കാരണവും ഇതു തന്നെയാകാമെന്ന് കളി വിദ്ഗദ്ധര്‍ വിലയിരുത്തുന്നു.