രാജ്യത്ത് കോവിഡ് രണ്ടാം തരംഗം വളരെ രൂക്ഷമായപ്പോള്‍ നിര്‍ത്തിവച്ച ഐ പി എല്‍ ക്രിക്കറ്റ് മത്സരം ഇന്ത്യക്കു പുറത്ത് യു എ ഇയില്‍ നടത്താനുള്ള ഒരുക്കത്തിലാണ് ഇപ്പോള്‍ ഇന്ത്യ. നിലവിലെ പദ്ധതി പ്രകാരം ഒക്ടോബര്‍ 15ന് ഐ പി എല്‍ ഫൈനല്‍ നടത്താനാണ് സൗരവ് ഗാംഗുലി നേതൃത്വം നല്‍കുന്ന ബി സി സി ഐയുടെ പദ്ധതി.

പക്ഷെ ഇതിനെ ഐ സി സി എതിര്‍ത്തേക്കുമെന്നാണ് ഇപ്പോള്‍ ലഭിക്കുന്ന റിപ്പോര്‍ട്ടുകള്‍. ഈ വര്‍ഷത്തെ ടി 20 ലോകകപ്പ് ഒക്ടോബര്‍ 18ന് ആരംഭിക്കാനാണ് ഐ സി സി അനൗദ്യോഗികമായി തീരുമാനം എടുത്തിയിരിക്കുന്നത്. അതിനാല്‍ തന്നെ അതിനോട് അടുത്ത് മറ്റൊരു ടൂര്‍ണമെന്റ നടത്തുന്നതില്‍ ഐ സി സിക്ക് മതിയായ എതിര്‍പ്പ് നിലനില്‍ക്കുന്നുണ്ട്.