ആഷസ് പരമ്പരയിലെ മൂന്നാം ടെസ്റ്റില്‍ ഓസ്‌ട്രേലിയയ്‌ക്കെതിരെ ഇംഗ്ലണ്ട് മികച്ച നിലയില്‍. ഒന്നാമിന്നിങ്‌സില്‍ മറുപടി ബാറ്റിങ് ആരംഭിച്ച ഇംഗ്ലണ്ട് ഒന്നാം ദിനം കളിയവസാനിക്കുന്‌പോള്‍ മൂന്നു വിക്കറ്റിന് 133 എന്ന നിലയിലാണ്. ബെല്‍ 53 റണ്‍സെടുത്ത് അര്‍ധശതകം നേടി. കുക്ക് 34 റണ്‍സെടുത്തു. മഴ കാരണം ആദ്യദിനത്തിലെ കളി തടസപ്പെടുകയായിരുന്നു.

നേരത്തെ ഒന്നാമിന്നിങ്‌സില്‍ ഓസ്‌ട്രേലിയ 136ന് പുറത്തായിരുന്നു. 47 റണ്‍സ് വിട്ടുനല്‍കി 6 വിക്കറ്റ് വീഴ്ത്തിയ ജയിംസ് ആന്‍ഡേഴ്‌സണിന്റെ തകര്‍പ്പന്‍ പ്രകടനമാണ് ഓസ്‌ട്രേലിയയെ ചെറിയ സ്‌കോറില്‍ ഒതുക്കിയത്. ഓസ്‌ട്രേലിയന്‍! നിരയില്‍ പിടിച്ചുനിന്നത് ക്രിസ് റോജേഴ്‌സ് മാത്രം. ക്രിസ് റോജേഴ്‌സ് 52 റണ്‍സെടുത്തു.16 റണ്‍സെടുത്ത ആദം വോഗസിന്റേതാണ് ഓസ്‌ട്രേലിയന്‍ ഇന്നിങ്‌സിലെ രണ്ടാമത്തെ ഉയര്‍ന്ന സ്‌കോര്‍. ഇംഗ്ലണ്ടിനായി സ്റ്റുവര്‍ട്ട് ബ്രോഡും, സ്റ്റീവന്‍ ഫിന്നും രണ്ട് വിക്കറ്റ് വീതം വീഴ്ത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha