ജീവിതം തിരിച്ചുകിട്ടുമെന്ന് പ്രതീക്ഷിച്ചതല്ല, ദൈവാനുഗ്രഹം കൊണ്ട് തിരിച്ചുകിട്ടി. ഇനി കളിയിലേക്ക് തിരിച്ചുമടങ്ങാമെന്ന് പ്രതീക്ഷിക്കുന്നു. ഒത്തുകളി വിവാദത്തില്‍ നിന്നും കോടതി വെറുതെ വിട്ടതിനുശേഷം ഗുരുവായൂരില്‍ ക്ഷേത്രദര്‍ശനത്തിനെത്തിയ ശ്രീശാന്ത് മാധ്യമപ്രവര്‍ത്തകരോട് സംസാരിക്കുകയായിരുന്നു. 
ബിസിസിഎയെുടെ തീരുമാനത്തിനായി ക്ഷമയോടെ കാത്തിരിക്കും. ഇപ്പോള്‍ കളിയില്‍ മാത്രമാണ് ശ്രദ്ധ. വേറെ ഒന്നിലും ശ്രദ്ധിക്കുന്നില്ല. അടുത്ത ലോകകപ്പില്‍ കളിക്കാനാകുമെന്ന് വിശ്വസിക്കുന്നു. 
സ്വന്തം ക്ലബില്‍ പരിശീലനം തുടരുന്ന തനിക്ക് മുഖ്യമന്ത്രിയുള്‍പ്പടെയുള്ളവരുടെ പിന്തുണയുണ്ടെന്നും ശ്രീ പറഞ്ഞു. ബിസിസി ഐക്ക് കത്തയച്ചിട്ടുണ്ട്. ഹൃദയമുള്ളവര്‍ ബിസിസിഐയിലുണ്ടെന്നും അവര്‍ അനുകൂല തീരുമാനം എടുക്കുമെന്ന് പ്രതീക്ഷിക്കുന്നുവെന്നും ശ്രീ പറയുന്നു. 
ദര്‍ശനത്തിനുശേഷം ശ്രീശാന്തിന് പാല്‍ പായസം കൊണ്ട് തുലാഭാരം നടത്തി. ഏറെ നേരം ഗുരുവായൂരപ്പിനു മുന്നില്‍ പ്രാര്‍ത്ഥനയോടെ നിന്ന ശ്രീയോടൊപ്പം അച്ഛന്‍ ശാന്തകുമാരന്‍ നായര്‍, അമ്മ സാവിത്രിയും കൂടെയുണ്ടായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha