ഓസ്‌ട്രേലിയന്‍ വിക്കറ്റ് കീപ്പര്‍ ബ്രാഡ് ഹാഡിന്‍ രാജ്യാന്തര ക്രിക്കറ്റില്‍ നിന്നും വിരമിച്ചു. ആഷസിലെ ദയനീയ പരാജയത്തിന് ശേഷം ടെസ്റ്റ് കരിയറിന് വിരാമം കുറിക്കുന്ന നാലാമത്തെ താരവുമായിരിക്കുകയാണ് ഹാഡിന്‍. മുന്‍ നായകന്‍ മൈക്കള്‍ ക്ലാര്‍ക്ക്, ഷെയിന്‍ വാട്‌സണ്‍, ക്രിസ് റോജേഴ്‌സ് എന്നിവര്‍ നേരത്തെ തങ്ങളുടെ വിരമിക്കല്‍ പ്രഖ്യാപിച്ചിരുന്നു.

ഓസ്‌ട്രേലിയയുടെ ലോകകപ്പ് വിജയത്തിന് ശേഷം ഏകദിന ക്രിക്കറ്റില്‍ നിന്നും ഹാഡിന്‍ നേരത്തെ തന്നെ വിരമിച്ചിരുന്നു. 2008ല്‍ വെസ്റ്റിന്‍ഡീസിനെതിരെ ടെസ്റ്റ് ക്രിക്കറ്റില്‍ അരങ്ങേറിയ ഹാഡിന്‍ 66 മത്സരങ്ങളില്‍ ഓസീസിനായി ഗ്ലൗസണിഞ്ഞിട്ടുണ്ട്. 32.98 ശരാശരിയില്‍ 3,266 റണ്‍സാണ് താരം സ്വന്തം പേരില്‍ കുറിച്ചിട്ടുള്ളത്.നാല് സെഞ്ചുറികള്‍ നേടിയ ഹാഡിന്റെ ഉയര്‍ന്ന വ്യക്തിഗത സ്‌കോര്‍ 169ആണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha