ഒന്നാമനായി രവീന്ദ്ര ജഡേജ
ഇന്ത്യയുടെ രവീന്ദ്ര ജഡേജ ഐ.സി.സി ഏകദിന ബൗളിംഗ്‌ റാങ്കിംഗില്‍ ഒന്നാമത്‌. നിലവില്‍ ഒന്നാമതുള്ള വെസ്‌റ്റിന്റീസിന്റെ സുനില്‍ നരൈനൊപ്പം ജഡേജ ഒന്നാം സ്ഥാനം പങ്കിടുകയാണ്‌. നാല്‌ സ്ഥാനങ്ങള്‍ മെച്ചപ്പെടുത്തിയാണ്‌ ജഡേജ ഒന്നാം സ്ഥാനത്ത്‌ എത്തിയത്‌. ചാമ്പ്യന്‍സ്‌ ട്രോഫിയിലെയും,ത്രിരാഷ്ട്ര പരമ്പരയിലേയും മികച്ച പ്രകടനമാണ്‌ ജഡേജയെ ഒന്നാം സ്ഥാനത്തെത്തിച്ചത്‌. 1996 നു ശേഷം ആദ്യമായാണ്‌ ഒരു ഇന്ത്യന്‍ താരം ഏകദിന ബൗളിംഗ്‌ റാങ്കിംഗില്‍ ഒന്നാമതെത്തുന്നത്‌. 96ല്‍ അനില്‍ കുബ്ലൈയാണ്‌ ഒന്നാം സ്ഥാനത്തെത്തിയത്‌. ഇതിനു മുന്‍പ്‌ കപില്‍ ദേവും, മനീന്ദര്‍ സിംഗും ഒന്നാമതെത്തിയിരുന്നു. ഓള്‍ റൗണ്ടര്‍മാരുടെ പട്ടികയില്‍ രണ്ടാം സ്ഥാനത്തും ജഡേജ എത്തി. കൂടാതെ ഇന്ത്യയുടെ അമിത്‌ മിശ്ര 47 സ്ഥാനങ്ങള്‍ മെച്ചപ്പെടുത്തി 32ാം റാങ്കിലുമെത്തി. സിംബാബ്‌വെക്കെതിരായ തകര്‍പ്പന്‍ പ്രകടനമാണ്‌ മിശ്രയുടെ ഗ്രാഫ്‌ ഉയര്‍ത്തിയത്‌.
https://www.facebook.com/Malayalivartha
