ഓള്‍ സ്റ്റാര്‍ ക്രിക്കറ്റ് പരമ്പരയിലെ രണ്ടാം ട്വന്റി-20യില്‍ സച്ചിന്‍ തെണ്ടുല്‍ക്കറിന്റെ ബ്ലാസ്റ്റേഴ്‌സിനെതിരേ ഷെയ്ന്‍ വോണിന്റെ വാരിയേഴ്‌സിന് 57 റണ്‍സിന്റെ തകര്‍പ്പന്‍ ജയം. വിജയ ലക്ഷ്യമായ 263 റണ്‍സ് പിന്തുടര്‍ന്ന ബ്ലാസ്റ്റേഴ്‌സിന് 20 ഓവറില്‍ എട്ട് വിക്കറ്റ് നഷ്ടത്തില്‍ 205 റണ്‍സ് നേടാനേ സാധിച്ചുള്ളൂ. ടോസ് നഷ്ടപ്പെട്ട് ക്രീസിലെത്തിയ ഷെയ്ന്‍ വോണിന്റെ വാരിയേഴ്‌സ് ടീം 20 ഓവറില്‍ അഞ്ചു വിക്കറ്റ് നഷ്ടത്തിലാണ് 262 റണ്‍സ് നേടിയത്. 30 പന്തില്‍ 70 റണ്‍സ് നേടിയ കുമാര്‍ സംഗക്കാരയാണ് മുന്നില്‍നിന്ന് പടനയിച്ചത്. ആദ്യ മത്സരത്തില്‍ വാരിയേഴ്‌സിനായിരുന്നു ജയം. ഇതോടെ മൂന്നു മത്സര പരമ്പര വാരിയേഴ്‌സ് സ്വന്തമാക്കി.

ഓപ്പണിംഗ് വിക്കറ്റില്‍ വാരിയേഴ്‌സിനായി മൈക്കിള്‍ വോണും മാത്യു ഹെയ്ഡനും ചേര്‍ന്ന് 5.4 ഓവറില്‍ 51 റണ്‍സ് അടിച്ചെടുത്തു. വോണിനെ വിക്കറ്റിനു മുന്നില്‍ കുടുക്കി സ്വാനാണ് ആദ്യ വിക്കറ്റ് വാരിയേഴ്‌സിനായി നേടിയത്. 22 പന്തില്‍ 30 റണ്‍സുമായി വോണ്‍ പുറത്ത്. പിന്നാലെ 15 പന്തില്‍ 32 റണ്‍സ് നേടിയ ഹെയ്ഡനും മടങ്ങി. മൂന്നാം വിക്കറ്റ് കൂട്ടുകെട്ടില്‍ ജാക് കാലിസും (23 പന്തില്‍ 45) സംഗക്കാരയും (30 പന്തില്‍ 70) തകര്‍ത്താടിയതോടെ വാരിയേഴ്‌സ് കൂറ്റന്‍ സ്‌കോറിലേക്ക് ചുവടുവച്ചു. 16 പന്തില്‍ 41 റണ്‍സുമായി റിക്കി പോണ് ടിംഗും റണ്ണൊഴുക്ക് തുടര്‍ന്നപ്പോള്‍ ബ്ലാസ്‌റ്റേഴ്‌സിന്റെ നില പരുങ്ങലിലായി. ആറു പന്തില്‍ 19 റണ്‍സുമായി ആന്‍ഡ്രു സൈമണ്ട്‌സും എട്ടു പന്തില്‍ 18 റണ്‍സുമായി ജോണ് ടി റോഡ്‌സും പുറത്താകാതെ നിന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha