ഓസ്‌ടേലിയന്‍ ഫാസ്റ്റ് ബൗളര്‍ മിച്ചല്‍ ജോണ്‍സണ്‍ വിരമിക്കുന്നു
ഓസ്!ട്രേലിയന്‍ ഫാസ്റ്റ് ബൗളര്‍ മിച്ചല്‍ ജോണ്‍സണ്‍ വിരമിക്കുന്നതായി പ്രഖ്യാപിച്ചു . ഇപ്പോള്‍ നടക്കുന്ന പെര്‍ത്ത് ടെസ്റ്റിന് ശേഷം വിരമിക്കും.
പെര്‍ത്തില്‍ നടക്കുന്ന ഓസ്‌ട്രേലിയന്യുസിലന്റ് ടെസ്റ്റ് മത്സരത്തിന്റെ നാലാം ദിവസമായിരുന്ന ഇന്നലെ കളി കഴിഞ്ഞപ്പോള്‍ അദ്ദേഹം സഹതാരങ്ങളോട് വിരമിക്കാനുള്ള തീരുമാനം അറിയിച്ചിരുന്നു. ഇന്ന് ഔദ്ദ്യോഗികമായി അദ്ദേഹം തീരുമാനം മാധ്യമങ്ങളെയും ആരാധകരെയും അറിയിക്കുകയായിരുന്നു.
ഫാസ്റ്റ് ബൌളര്‍മാരുടെ പറുദീസയെന്ന് അറിയപ്പെട്ടിരുന്ന പെര്‍ത്തില്‍ ന്യൂസിലന്റിനെതിരായ ആദ്യ ഇന്നിങ്‌സില്‍ 28 ഒവറില്‍ അദ്ദേഹം 188 റണ്‍സ് വഴങ്ങിയിരുന്നു. ഈ പ്രകടനമാണ് അദ്ദേഹത്തെ പെട്ടെന്നുള്ള വിരമിക്കല്‍ തീരുമാനത്തിലേക്ക് നയിച്ചതെന്നാണ് സൂചന.കഴിഞ്ഞ കുറച്ചുദിവസമായി മിച്ചല്‍ജോണ്‍സന്‍ വിരമിക്കുന്നതിക്കുറിച്ച് മാത്രമാണ് ആലോചിക്കുന്നതെന്ന് ഓസ്‌ട്രേലിയന്‍ മുന്‍ നായകന്‍ മാര്‍ക് ടെയ്!ലര്‍ പറഞ്ഞിരുന്നു. മുപ്പത്തിനാലാം വയസില്‍ മിച്ചല്‍ ജോണ്‍സന്‍ വിരമിക്കുമ്പോള്‍ മികച്ച ഒരു ഫാസ്റ്റ് ബൌളര്‍ കൂടിയാണ് അന്താരാഷ്ട്ര ക്രിക്കറ്റിന്‍ നിന്ന് പടിയിറങ്ങുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
