ഒരിക്കലും തോല്‍ക്കാത്ത ഫിറോസ്ഷാ കോട്‌ലയിലെ പിച്ചില്‍ ദക്ഷിണാഫ്രിക്കയ്‌ക്കെതിരായ നാലാം ടെസ്റ്റില്‍ ഇന്ത്യ ബാറ്റ് ചെയ്യും. ടോസ് നേടിയ ക്യാപ്റ്റന്‍ വിരാട് കോലി ബാറ്റിങ് തിരഞ്ഞെടുക്കുകയായിരുന്നു. ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരയില്‍ ഇത് തുടര്‍ച്ചയായ നാലാം തവണയാണ് കോലിക്ക് ടോസ് ലഭിക്കുന്നത്.

സ്പിന്നര്‍ അമിത് മിശ്രയ്ക്ക് പകരം മീഡിയം പേസര്‍ ഉമേഷ് യാദവിനെ ഉള്‍പ്പെടുത്തിയാണ് ഇന്ത്യ ദക്ഷിണാഫ്രിക്കയെ നേരിടുന്നത്. പിച്ചില്‍ നിന്ന് യഥേഷ്ടം റണ്‍ വാരാമെന്നാണ് പ്രതീക്ഷയെന്ന് കോലി പറഞ്ഞു. രണ്ട് ടെസ്റ്റ് ജയിച്ച് ഇന്ത്യ പരമ്പര സ്വന്തമാക്കിക്കഴിഞ്ഞിട്ടുണ്ട്. മൊഹാലിയില്‍ നടന്ന ഒന്നാം ടെസ്റ്റിലും നാഗ്പുരല്‍ നടന്ന മൂന്നാം ടെസ്റ്റിലമാണ് ഇന്ത്യ വിജയിച്ചത്. ബെംഗളൂരുവില്‍ നടന്ന മഴ കവര്‍ന്ന രണ്ടാം ടെസ്റ്റ് സമനിലയില്‍ അവസാനിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha