വിജയാനന്ദത്തിന്റെ കൊടുമുടിയേറുമ്പോഴും അശ്വിന് പിറന്ന നാട് ദുരന്തത്തില്‍ കണ്ണീര്‍ പൊഴിക്കുന്നതു കാണാതിരിക്കാനായില്ല. ഇന്ത്യന്‍ ക്രിക്കറ്റ് താരം ആര്‍.അശ്വിന്‍ തനിക്കുലഭിച്ച മാന്‍ ഓഫ് ദി സീരിസ് അവാര്‍ഡ് ചെന്നൈ പ്രളയബാധിതര്‍ക്ക് സമര്‍പ്പിച്ചു. ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരവിജയത്തിനു ചുക്കാന്‍ പിടിച്ച അശ്വിന്‍ നാലാം ടെസ്റ്റിലും അഞ്ചു വിക്കറ്റ് വീഴ്ത്തിയിരുന്നു. ഈ പരമ്പരയില്‍ അശ്വിന്‍ ആകെ 31 വിക്കറ്റുകളാണ് വീഴ്ത്തിയത്.

സമ്മാനദാന ചടങ്ങിലാണു പുരസ്‌കാരം നാടിന് സമര്‍പ്പിക്കുന്നതായി അശ്വിന്‍ പ്രഖ്യാപിച്ചത്. ദുരിതാശ്വാസ പ്രവര്‍ത്തനത്തില്‍ പങ്കെടുക്കുമെന്നും എന്നാല്‍ ഏതെങ്കിലും സംഘടനകളുമായി സഹകരിച്ചായിരിക്കില്ലെന്നും അശ്വിന്‍ പിന്നീട് ട്വിറ്ററില്‍ പറഞ്ഞു. ഇന്ത്യന്‍ താരം അജിങ്ക്യ രഹാനെയും തനിക്ക് ലഭിച്ച മാന്‍ ഓഫ് ദി മാച്ച് പുരസ്‌കാരം ചെന്നൈ ദുരന്തബാധിതര്‍ക്കായി സമര്‍പ്പിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha