ഗവാസ്‌കര്‍ മികച്ച ബാറ്റ്‌സ്മാനാണെന്ന് ഇമ്രാന്‍ ഖാന്‍
ലിറ്റില്‍ മാസ്റ്റര്‍ സുനില്‍ ഗവാസ്‌കര്‍ മറ്റാരേക്കാളും മികച്ച ബാറ്റ്‌സ്മാനാണെന്നു പാക്കിസ്ഥാന്‍ ഫാസ്റ്റ് ബോളിംഗ് ഇതിഹാസം ഇമ്രാന്‍ ഖാന്‍. സച്ചിന്‍ തെണ്ടുല്‍ക്കര്‍ ക്രിക്കറ്റിനു നല്‍കിയ സംഭാവനകളെ മറന്നല്ല തന്റെ അഭിപ്രായമെന്നും ഇമ്രാന്‍ പറഞ്ഞു. ഗവാസ്‌കര്‍ കളിച്ചതു പോലൊരു ഇന്നിംഗ്‌സ് സച്ചിന്‍ കളിച്ചിട്ടില്ല. നാലു ലോകോത്തര ബോളറുമാരടങ്ങിയ വെസ്റ്റ് ഇന്‍ഡീസ് ബോളിംഗ് നിരയെ നേരിട്ട സണ്ണിയുടെ യഥാര്‍ഥ മികവ് അദ്ദേഹത്തിന്റെ റിക്കാര്‍ഡുകള്‍ മാത്രം വിലയിരുത്തിയാല്‍ മനസിലാകില്ല.
ലോകത്തര ബോളറുമാരായ ഡെന്നീസ് ലില്ലി, സഹീര്‍ അബ്ബാസ്, മജീദ് ഖാന്‍ എന്നിവരുടെ കാലഘട്ടത്തിലാണ് ഗവാസ്‌കര്‍ കളിച്ചത്. താന്‍ സച്ചിന്റെ നേട്ടങ്ങളെ വിലകുറച്ചു കാണുകയല്ല. വ്യത്യസ്ത കാലഘട്ടങ്ങളില്‍ കളിച്ചവരെ താരതമ്യം ചെയ്യുന്നതു ശരിയല്ലെന്നും ഇമ്രാന്‍ പറഞ്ഞു. എക്കാലത്തേയും മികച്ചവരുടെ ടീമില്‍ വിക്കറ്റ് കീപ്പറുടെ സ്ഥാനം മഹേന്ദ്ര ധോനിക്കു നല്‍കാമെന്നും ഇമ്രാന്‍ പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
