ലോകകപ്പ് ഉപേക്ഷിക്കരുത് പാകിസ്താനോട് വസീം അക്രം
ഇന്ത്യപാക് പരമ്പര ഇന്ത്യന്‍ സര്‍ക്കാര്‍ ഉപേക്ഷിച്ചതിനെ തുടര്‍ന്ന് അടുത്ത വര്‍ഷം ഇന്ത്യയില്‍ നടക്കുന്ന ഐ.സി.സി ട്വന്റി20 ക്രിക്കറ്റ് ലോകകപ്പ് ബഹിഷ്‌ക്കരിക്കരുതെന്ന് പാകിസ്താനോട് മുന്‍ താരം വസീം അക്രത്തിന്റെ ആഹ്വാനം. ഈ മാസം തീരുമാനിച്ചിരുന്ന ഇന്ത്യപാക് പരമ്പരയുടെ കാര്യത്തില്‍ ഇന്ത്യന്‍ സര്‍ക്കാരിന്റെ ഭാഗത്ത് നിന്ന് തീരുമാനം ഉടന്‍ ഉണ്ടാകുന്നതായി പ്രതീക്ഷിക്കുന്നുവെന്നും അദ്ദേഹം പറഞ്ഞു. നേരത്തെ ട്വന്റി20 ലോകകപ്പില്‍ മത്സരക്കുന്ന കാര്യത്തില്‍ പാക്കിസ്താന്‍ ക്രിക്കറ്റ് സംശയം പ്രകടിപ്പിച്ചിരുന്നു
ഇന്ത്യപാക് പരമ്പരയില്‍ തീരുമാനമെടുക്കാന്‍ ഇന്ത്യന്‍ സര്‍ക്കാരിന് കൂടുതല്‍ സമയം ആവശ്യമായി വരുന്നു. ഇത്രയും സമയം എടുക്കുന്നതിനാല്‍ പരമ്പരയ്ക്ക് അനുകൂലമായ തീരുമാനമാവും ഇന്ത്യയുടെ ഭാഗത്ത് നിന്നുമുണ്ടാവുകയെന്ന് പ്രതീക്ഷിക്കുന്നതായും അക്രം പറഞ്ഞു.
ട്വന്റി20 ലോകകപ്പ് നടത്തുന്നത് ഐ.സി.സിയാണ്. അതില്‍ നിന്ന് വിട്ടുനില്‍ക്കുന്നതില്‍ കാര്യമില്ല. മത്സരത്തില്‍ പങ്കെടുക്കാതിരുന്നാല്‍ രാജ്യത്തെയും താരങ്ങളെയും ഇത് ബാധിക്കുമെന്നും വസിം അക്രം പറഞ്ഞു. ഇന്ത്യയ്ക്ക് നമ്മളോട് മത്സരിക്കാന്‍ താത്പര്യമില്ലെങ്കില്‍ അവരെ ആശ്രയിക്കാതെ മത്സരിക്കാന്‍ നമുക്കാകും. എന്നാല്‍ ഇരു ടീമുകളും മത്സരിക്കാതിരുന്നാല്‍ തീവ്രവാദം ഇല്ലാതാകില്ലെന്നും അക്രം പറയുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
