ഓസ്‌ട്രേലിയന്‍ പര്യടനത്തിനുള്ള ഇന്ത്യന്‍ ടീമിനെ ഇന്ന് പ്രഖ്യാപിക്കും; ജഡേജ മടങ്ങി എത്തിയേക്കും
ഓസ്‌ട്രേലിയന്‍ പര്യടനത്തിനുള്ള ഇന്ത്യന്‍ ടീമിനെ ഇന്ന് പ്രഖ്യാപിക്കും. ദക്ഷിണാഫ്രിക്കയുമായുള്ള ടെസ്റ്റ് മത്സരത്തിലെ മികച്ച പ്രകടനം ജഡേജയ്ക്ക് വലിയ സാധ്യതയാണ് നല്‍കിയിരിക്കുന്നത്. താരം ടീമില്‍ മടങ്ങി എത്തിയേക്കും. മോശം ഫോമിനെ തുടര്‍ന്നാണ് നേരത്തെ ജഡേജയെ ടീമില്‍ നിന്നും മാറ്റി നിര്‍ത്തിയിരുന്നത്.
ഇന്ത്യന്‍ പേസര്‍ ഇഷാന്ത് ശര്‍മയും ലോകകപ്പിലെ മികച്ച പ്രകടനത്തിന് ശേഷം പരുക്കിന്റെ പിടിയിലായിരുന്ന മൊഹമ്മദ് ഷമിയും ബാറ്റ്‌സ്മാന്‍ മുരളി വിജയും ടീമില്‍ ഇടം നേടിയേക്കും. ഓപ്പണറായ മുരളി വിജയ് മധ്യനിരയില്‍ ബാറ്റ് ചെയ്യാനുള്ള സന്നദ്ധത അറിയിച്ചിരുന്നു.
ധോണി തന്നെയാണ് ഇന്ത്യന്‍ ടീമിനെ നയിക്കുന്നത്. മൂന്ന് ട്വന്റി20 മത്സരങ്ങളും അഞ്ച് ഏകദിന മത്സരങ്ങളുമാണ് പരമ്പരയിലുള്ളത്. അടുത്തമാസം 12 മുതല്‍ 31 വരെയാണ് പരമ്പര. അഡ്‌ലെയ്ഡ്, മെല്‍ബണ്‍, സിഡ്‌നി എന്നിവിടങ്ങളില്‍ ട്വന്റി20 മത്സരങ്ങളും പെര്‍ത്ത്, ബ്രിസ്‌ബെയ്ന്‍, മെല്‍ബണ്‍, കാന്‍ബറ, സിഡ്‌നി എന്നിവിടങ്ങളില്‍ ഏകദിന മത്സരങ്ങളും നടക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
