കഴിഞ്ഞ 9 വര്‍ഷത്തിനിടെ ബിസിസിഐ ഒരിക്കലും തന്നെ പിന്തുണച്ചിട്ടില്ലെന്ന്‌ ക്രിക്കറ്റ്‌താരം ശ്രീശാന്ത്‌ പറഞ്ഞു. തന്നെ മാത്രം ഫ്രൈം ചെയ്യുന്നതെന്തിനെന്ന്‌ അറിയില്ലെന്നും ശ്രീശാന്ത്‌ പറഞ്ഞു. ബി.സി.സി.ഐയുടെ തീരുമാനത്തില്‍ നിരാശയുണ്ട്‌. വിലക്ക് ജീവിതത്തിലെ ഏറ്റവും വലിയ തിരിച്ചടിയാണ്. ബി.സി.സി.ഐയുടെ വിലക്ക് പുറത്തുവന്നതിന് ശേഷം ആദ്യമായാണ് മാധ്യമപ്രവര്‍ത്തകരോട് പ്രതികരിക്കുന്നത്.

ഏഴാം തീയതി കോടതിയുടെ തീരുമാനമറിയാനായി കാത്തിരിക്കുകയാണ്. അതിനു ശേഷം കൂടുതല്‍ പറയാം. ചില ഫോണ്‍ സംഭാഷണങ്ങള്‍ മാത്രമാണ് അന്വേഷണ കമ്മീഷന്റെ പക്കലുള്ളത്. എന്നാല്‍ അതില്‍ മാച്ചിനെക്കുറിച്ച് പറഞ്ഞിട്ടില്ല. പരിശീലനവുമായി മുന്നോട്ടുപോകുമെന്നും ജയിലില്‍ അല്ലല്ലോ എന്ന ആശ്വാസമുണ്ടെന്നും ശ്രീ പറഞ്ഞു.

തന്നിലുള്ള വിശ്വാസം കൈവിടരുതെന്നും തന്റെ സത്യസന്ധത തെളിയിക്കാനാകുമെന്ന് ഉറപ്പുണ്ടെന്നും ശ്രീശാന്ത് ട്വിറ്ററിലൂടെ പ്രതികരിച്ചിരുന്നു. നിലവിലുള്ള പ്രതിസന്ധിയെ മറികടക്കാനാകുമെന്ന് പൂര്‍ണ്ണ വിശ്വാസമുണ്ടെന്നും ശ്രീ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫെയ്‌ബുക്ക്‌ Like ചെയ്യുക

https://www.facebook.com/Malayalivartha