ക്രിക്കറ്റില്‍ നിന്നുള്ള വിരമിക്കലിനെക്കുറിച്ച് ശരിയായ സമയത്ത് ചിന്തിക്കുമെന്ന് ഇന്ത്യയുടെ ഏകദിന ട്വിന്റി 20 ക്യാപ്റ്റന്‍ മഹേന്ദ്ര സിങ് ധോണി. 2015 ലോകകപ്പില്‍ നിന്നും ഇന്ത്യ പുറത്തായപ്പോള്‍ 34 കാരനായ ധോണിയുടെ വിരമിക്കലിനെ കുറിച്ച് ചര്‍ച്ച നടന്നിരുന്നു. എന്നാല്‍ ഇത്തരം വാര്‍ത്തകളെ ധോണി തന്നെ തള്ളിയിരുന്നു.
ഇപ്പോള്‍ എന്റെ ശ്രദ്ധ മുഴുവന്‍ ഓസ്!ട്രേലിയന്‍ പര്യടനത്തിലാണ്. അതിനു ശേഷം വരുന്ന ട്വന്റി 20 ലോകകപ്പിനും ശ്രദ്ധ നല്‍കുന്നു. വിരമിക്കലിനെ കുറിച്ച് ശരിയായ സമയത്ത് ചിന്തിക്കുമെന്നും ധോണി പറഞ്ഞു.

നിലവില്‍ ടെസ്റ്റ് ടീമിന്റെ ക്യാപ്റ്റനായ വിരാട് കോഹ്ലിയെ എല്ലാ തരം മല്‍സരങ്ങളുടെയും ക്യാപ്റ്റനാക്കുമെന്ന റിപ്പോര്‍ട്ടുകള്‍ക്കിടെയാണ് ധോണിയുടെ പ്രസ്താവന. കൂടാതെ കഴിഞ്ഞ ഒരു വര്‍ഷമായി ധോണിയുടെ ബാറ്റിങ് പ്രകടനവും മികച്ചതല്ല. ഇന്ത്യയില്‍ നടക്കുന്ന ട്വന്റി–20 ലോകകപ്പിന് ശേഷം ധോണി വിരമിച്ചേക്കുമെന്നും റിപ്പോര്‍ട്ടുകള്‍ വന്നിരുന്നു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha