സയ്യിദ് മുഷ്താഖ് അലി ട്വന്റി 20യില്‍ കേരളം ഇന്ന് പഞ്ചാബിനെ നേരിടും. ടൂര്‍ണമെന്റില്‍ ആദ്യ നാല് മത്സരങ്ങളും ജയിച്ച കേരളമാണ് 16 പോയിന്റുമായി ഗ്രൂപ്പില്‍ മുമ്പില്‍. ഇന്നത്തെ മത്സരത്തില്‍ വിജയിക്കാനായാല്‍ ഗ്രൂപ്പില്‍നിന്ന് ഒന്നാം സ്ഥാനക്കാരായി കേരളത്തിന് സൂപ്പര്‍ ലീഗ് കളിക്കാനാകും.

യുവരാജ് സിങ്, ഹര്‍ഭജന്‍ സിങ്, മനന്‍ വോഹ്‌റ, മന്‍ദീപ് സിങ് തുടങ്ങിയ ശക്തരായ നിരയാണ് പഞ്ചാബിനെ നയിക്കുന്നത്. ആദ്യ മത്സരത്തില്‍ തിളങ്ങിയെങ്കിലും ഫോം നിലനിര്‍ത്താന്‍ യുവരാജിന് കഴിഞ്ഞിട്ടില്ല. എന്നാല്‍ ഹര്‍ഭജന്റെ തന്ത്രങ്ങള്‍ കേരളത്തിന് വെല്ലുവിളിയാകും.

രോഹന്‍പ്രേം, സഞ്ജു വി സാംസണ്‍, സച്ചിന്‍ ബേബി തുടങ്ങിയ ബാറ്റിങ് നിരയിലാണ് കേരളത്തിന്റെ പ്രതീക്ഷ. സന്ദീപ് വാര്യര്‍, ബേസില്‍ തമ്പി, പ്രശാന്ത് പി എന്നിവര്‍ ബോളിങ് നിരയില്‍ തിളങ്ങിയാല്‍ വിജയം കേരളത്തിനുറപ്പിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha