ഓസ്‌ട്രേലിയയ്‌ക്കെതിരായ ആദ്യ ട്വന്റി20 മല്‍സരത്തില്‍ ഇന്ത്യയ്ക്ക് തകര്‍പ്പന്‍ ജയം. അഡ്‌ലെയ്ഡില്‍ നടന്ന മല്‍സരത്തില്‍ ഇന്ത്യയുടെ വിജയം 37 റണ്‍സിന്. ആദ്യം ബാറ്റുചെയ്ത് വിരാട് കോഹ്‌ലി പുറത്താകാതെ നേടിയ 90 റണ്‍സിന്റെ പിന്‍ബലത്തില്‍ നിശ്ചിത 20 ഓവറില്‍ മൂന്നു വിക്കറ്റിന് 188 റണ്‍സെടുത്ത ഇന്ത്യയ്‌ക്കെതിരെ 19.3 ഓവറില്‍ 151 റണ്‍സെടുക്കാനേ ഓസ്‌ട്രേലിയയ്ക്കായുള്ളൂ.

തുടക്കത്തില്‍ അടിച്ചുതകര്‍ത്തു മുന്നേറിയ ഓസ്‌ട്രേലിയയെ തുടര്‍ച്ചയായി വിക്കറ്റുകള്‍ വീഴ്ത്തി വരിഞ്ഞുമുറുക്കിയ ബോളര്‍മാരും ഇന്ത്യന്‍ വിജയത്തില്‍ നിര്‍ണായക സംഭാവന നല്‍കി. ഇന്ത്യയ്ക്കായി ബുംമ്ര മൂന്നും അശ്വിന്‍, ജഡേജ, അരങ്ങേറ്റക്കാരനായ ഹാര്‍ദിക് പാണ്ഡ്യ എന്നിവര്‍ രണ്ടും നെഹ്‌റ ഒരു വിക്കറ്റും വീഴ്ത്തി.

സ്‌കോര്‍: ഇന്ത്യ നിശ്ചിത 20 ഓവറില്‍ മൂന്നിന് 188 (കോഹ്‌ലി-പുറത്താകാതെ 90, റെയ്‌ന-41, രോഹിത് ശര്‍മ-31). ഓസ്‌ട്രേലിയ 19.4 ഓവറില്‍ 156ന് പുറത്ത് (ഫിഞ്ച്-44, ഡേവി!ഡ് വാര്‍ണര്‍-17, സ്റ്റീവന്‍ സ്മിത്ത്-21).

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha