ഏഷ്യ അണ്ടര്‍ 18 റഗ്ബി ചാമ്പ്യന്‍ഷിപ്പിനുള്ള ഇന്ത്യന്‍ ടീമില്‍ മലയാളിയും...കോഴിക്കോട് സ്വദേശിയായ കാശിനാഥ് സനീഷാണ് ടീമിലേക്ക് തെരഞ്ഞെടുക്കപ്പെട്ടത്.

12 അംഗ സംഘത്തിലുള്ള ഏക മലയാളിയാണ് കാശിനാഥ്. ചരിത്രത്തില്‍ ആദ്യമായാണ് ഒരു മലയാളി അണ്ടര്‍ 18 ഇന്ത്യന്‍ റഗ്ബി ടീമില്‍ ഇടം നേടുന്നത്.

സെപ്തംബര്‍ 28, 29 തീയതികളില്‍ മലേഷ്യയിലെ ജോഹോറില്‍ വച്ചാണ് ചാമ്പ്യന്‍ഷിപ്പ് നടക്കുന്നത്. കോഴിക്കോട് മെഡിക്കല്‍ കോളേജിനടുത്തു സ്ഥിതി ചെയ്യുന്ന അത്‌ലറ്റിക്ക അക്കാദമിക്ക് കീഴിലാണ് കാശിനാഥ് പരിശീലനം നടത്തുന്നത്.

കോഴിക്കോട് പാറോപ്പടി കളരിക്കല്‍താഴം സനീഷ് കുമാര്‍-പ്രഗല്‍ഭ ദമ്പതികളുടെ മകനായ കാശിനാഥ് പെരിങ്ങളം ഗവ ഹയര്‍സെക്കന്‍ഡറി സ്‌കൂളിലെ പ്ലസ് ടു വിദ്യാര്‍ഥിയാണ്.

അതേസമയം ആനപ്പറമ്പില്‍ ലോകകപ്പ്, കൊത്ത് തുടങ്ങിയ സിനിമകളിലും അടുപ്പ് വെബ് സീരീസിലും അഭിനയിച്ചിട്ടുമുണ്ട്