ന്യൂസിലന്‍ഡിനെതിരായ ആദ്യ ടെസ്റ്റില്‍ ഇന്ത്യയ്ക്ക് തകര്‍ച്ച....
ന്യൂസിലന്‍ഡിനെതിരായ ആദ്യ ടെസ്റ്റിന്റെ തുടക്കത്തിലേ ഇന്ത്യക്ക് തകര്‍ച്ച. പത്ത് ഓവര്‍ പൂര്‍ത്തിയാകും മുന്‍പ് മൂന്ന് മുന്‍നിര വിക്കറ്റുകള്‍ നഷ്ടമായി. ക്യാപ്റ്റന്‍ രോഹിത് ശര്‍മയുടെയും വിരാട് കോഹ് ലിയുടെയും സര്‍ഫറാസ് ഖാന്റെയും വിക്കറ്റുകളാണ് നഷ്ടമായത്. രണ്ട് റണ്‍സ് എടുത്ത നായകനെ സൗത്തിയാണ് പുറത്താക്കിയത്. കോഹ് ലിയും സര്‍ഫറാസും റണ്‍സ് ഒന്നും എടുക്കാതെ മടങ്ങുകയായിരുന്നു.
യശ്വസി ജയ്സ് വാളും ഋഷഭ് പന്തുമാണ് ക്രീസിലുള്ളത്. മൂന്നു വിക്കറ്റ് നഷ്ടത്തില്‍ ഇന്ത്യ പന്ത്രണ്ട് റണ്‍സ് എടുത്തിട്ടുണ്ട്. ടോസ് നേടിയ രോഹിത് ബാറ്റിങ് തെരഞ്ഞെടുക്കുകയായിരുന്നു. പൂര്‍ണ ആരോഗ്യവാന്‍ അല്ലാത്തതിനാല്‍ ശുഭ്മാന്‍ ഗില്ലിന് പകരം സര്‍ഫറാസ് ഖാന്‍ പ്ലേയിങ് ഇലവനില്‍ എത്തി.
ആര്‍ അശ്വിനും രവീന്ദ്ര ജഡേജയ്ക്കും പുറമെ മൂന്നാം സ്പിന്നറായി കുല്‍ദീപ് കളിക്കും. മഴ കാരണം ആദ്യദിവസം കളി ഒരു പന്തുപോലും എറിയാനാവാതെ ഉപേക്ഷിച്ചിട്ടുണ്ടായിരുന്നു.
"
https://www.facebook.com/Malayalivartha
