ബംഗ്ലാദേശിനെതിരായ ഏകദിനത്തില്‍ സെഞ്ച്വറി നേടി അഫ്ഗാന്‍ താരം റഹ്മാനുള്ള ഗുര്‍ബാസ്
ബംഗ്ലാദേശിനെതിരായ ഏകദിനത്തില്‍ സെഞ്ച്വറി നേടി അഫ്ഗാന്‍ താരം റഹ്മാനുള്ള ഗുര്‍ബാസ്. ഇന്ത്യന്‍ താരം വിരാട് കോഹ്ലിയെ മറികടന്ന താരം ഏകദിനത്തില്‍ വേഗത്തില്‍ എട്ട് സെഞ്ച്വറികള്‍ പൂര്‍ത്തിയാക്കി.ഏകദിനത്തില്‍ കുറഞ്ഞ ഇന്നിങ്സുകളില്‍ നിന്ന് എട്ട് സെഞ്ച്വറികള്‍ നേടുന്നവരുടെ പട്ടികയിലാണ് താരം ഇടം നേിയത്.
46 ഇന്നിങ്സുകളില്‍ നിന്നാണ് ഗുര്‍ബാസ് 8 സെഞ്ച്വറികള്‍ പൂര്‍ത്തിയാക്കിയത്. കോഹ്ലിക്ക് എട്ട് സെഞ്ച്വറികള്‍ പൂര്‍ത്തിയാക്കാനായി 68 ഇന്നിങ്സുകളാണ് ആവശ്യമായി വന്നത്.
പട്ടികയില്‍ 44 ഇന്നിങ്സുകളില്‍ നിന്ന് എട്ട് ഏകദിന സെഞ്ച്വറികള്‍ തികച്ച പാക് ബാറ്റര്‍ ബാബര്‍ അസം, 43 ഇന്നിങ്സുകളില്‍ നിന്ന് നേട്ടത്തിലെത്തിയ ദക്ഷിണാഫ്രിക്കന്‍ താരം ഹഷിം അംല എന്നിവരാണ് ഗുര്‍ബാസിന് മുമ്പിലുള്ളത്. ഏകദിന ക്രിക്കറ്റിന്റെ ചരിത്രത്തില്‍ എട്ടു സെഞ്ച്വറികള്‍ നേടുന്ന പ്രായം കുറഞ്ഞ താരമെന്ന നേട്ടവും ഗുര്‍ബാസ് സ്വന്തമാക്കിയിട്ടുണ്ട്.
ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍, ഇന്ത്യന്‍ സൂപ്പര്‍താരം വിരാട് കോലി, പാകിസ്ഥാന്‍ സൂപ്പര്‍താരം ബാബര്‍ അസം തുടങ്ങിയവരെ പിന്തള്ളിയാണ് ഗുര്‍ബാസ് കുതിപ്പ് തുടര്‍ന്നത്. ഗുര്‍ബാസിന്റെ സെഞ്ച്വറിക്കൊപ്പം അസ്മത്തുല്ല ഒമര്‍സായിയുടെ അര്‍ധസെഞ്ചറിയുടെയും പിന്‍ബലത്തില്‍ അഫ്ഗാനിസ്ഥാന്‍ മൂന്നാം ഏകദിനത്തില്‍ ജയം നേടിയപ്പോള്‍ പരമ്പരയും സ്വന്തമാക്കുകയായിരുന്നു
" f
https://www.facebook.com/Malayalivartha
