ക്‌ലബ്ബ് മാറ്റത്തിന്റെ വാര്‍ത്തകളോട് പ്രതികരിച്ച് റയല്‍ മാഡ്രിഡ് സൂപ്പര്‍ താരം ക്രിസ്റ്റിയാനോ റൊണാള്‍ഡൊ. കരാര്‍ അവസാനിക്കുന്ന 2018വരെ റയല്‍ മാഡ്രിഡില്‍ തുടരുമെന്ന് ക്രിസ്റ്റിയാനോ അറിയിച്ചു. റയലില്‍നിന്നു വിട്ടൊരു കരിയറിനെക്കുറിച്ച് ചിന്തിച്ചിട്ടില്ലെന്നും അദ്ദേഹം കൂട്ടിച്ചേര്‍ത്തു.
നേരത്തെ റയല്‍ മാഡ്രിഡിന്റെ പ്രവര്‍ത്തനത്തില്‍ റൊണാള്‍ഡോ അസ്വസ്ഥനാണെന്നും ഇതിനാല്‍ അദ്ദേഹം ഫ്രഞ്ച് ക്ലബ്ബായ പി.എസ്.ജിയിലേക്കു ചേക്കേറുകയാണെന്നും റിപ്പോര്‍ട്ടുകളുണ്ടായിരുന്നു. ഈ റിപ്പോര്‍ട്ടുകളാണ് ഇപ്പോള്‍ റൊണാള്‍ഡോ നേരിട്ട് നിഷേധിച്ചിരിക്കുന്നത്.

സ്‌പെയിനില്‍ ആറു വര്‍ഷമായി ഞാന്‍ കളിക്കുന്നു. ആറു വര്‍ഷമായി ഞാന്‍ മാഞ്ചസ്റ്റര്‍ യുണൈറ്റഡിലുണ്ടായിരുന്നു. യുണൈറ്റഡില്‍ മികച്ച അനുഭവമാണ് ലഭിച്ചത്. എന്നാല്‍ അതിലും മികച്ചതാണ് ഇപ്പോള്‍ റയലില്‍ ലഭിച്ചുകൊണ്ടിരിക്കുന്നെതന്നും റൊണാള്‍ഡോ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha