അവസാനം കോഹ്ലിക്ക് അനുഷ്‌കയെ മതിയായി. ഇതോടെ ഇരുവരുടെയും പ്രണയത്തിന് അന്ത്യമായി. എല്ലാത്തിനും കാരണം അനുഷ്‌കയാണെന്നാണ് കോഹ്ലി പറയുന്നത്.പ്രമുഖ ബോളിവുഡ് മാധ്യമങ്ങള്‍ ഈ വാര്‍ത്ത സ്ഥിരീകരിച്ച് കഴിഞ്ഞു. വിവാഹം വരെ എത്തിനിന്ന ഇരുവരുടെയും രണ്ടു വര്‍ഷം നീണ്ട പ്രണയജീവിതത്തിനാണ് ഇതോടെ വിരാമമായത്. നേരത്തെ കോഹ്‌ലി തന്നെ അനുഷ്‌കയുടെ ട്വിറ്റര്‍ അക്കൗണ്ടും ഇന്‍സ്റ്റഗ്രാം അക്കൗണ്ടും അണ്‍ഫോളോ ചെയ്തിരുന്നു. വിരാട് ആദ്യം ഇക്കാര്യത്തില്‍ വളരെ നിരാശനായിരുന്നെന്നും അടുത്തിടെ നടന്ന പാര്‍ട്ടിയില്‍ താരം അതെല്ലാം മറന്ന് സന്തോഷവനായാണ് കാണപ്പെട്ടതെന്നും അടുത്തവൃത്തങ്ങള്‍ പറയുന്നു. മാത്രമല്ല പാര്‍ട്ടിക്കിടയില്‍'താന്‍ സിംഗിള്‍ ആണ്, വരൂ നൃത്തം ചെയ്യൂ' എന്നു വിരാട് പറയുന്നുണ്ടായിരുന്നത്രേ.
വിവാഹക്കാര്യം അനുഷ്‌കയോട് താരം സൂചിപ്പിച്ചിരുന്നെന്നും എന്നാല്‍ ഇക്കാര്യത്തില്‍ നടിയ്ക്ക് താല്‍പര്യമില്ലാത്തതാണ് ബന്ധത്തിന് വിള്ളല്‍ വീഴാന്‍ കാരണമായതെന്നുമാണ് കേള്‍ക്കുന്നത്. 2017 വരെ കാത്തിരിക്കാന്‍ അനുഷ്‌ക കോഹ്ലിയോട് ആവശ്യപ്പെട്ടതായും പറയുന്നുണ്ട്. ഒരു നടി എന്നതിലുപരി ഒരു സംവിധായിക എന്ന നിലയിലേക്ക് എത്തണം എന്നാണ് അനുഷ്‌കയുടെ ആഗ്രഹം. എന്നാല്‍ കോഹ്ലി ഇതിന് അനുകൂലമായ മറുപടി അല്ല നല്‍കിയതെന്നും അതുകൊണ്ടാണ് ഇരുവരും പിരിയാന്‍ തീരുമാനിച്ചതെന്നുമാണ് വാര്‍ത്തകള്‍.
ഏറെ കൊട്ടിഘോഷിക്കപ്പെട്ട പ്രണയമായിരുന്നു ഇവരുടേത്. കോഹ്ലിയുള്‍പ്പെട്ട ക്രിക്കറ്റ് മല്‍സരങ്ങള്‍ക്ക് നിറം പകര്‍ന്നിരുന്നത് അനുഷ്‌കയുടെ സാന്നിധ്യമായിരുന്നു. കഴിഞ്ഞ ദിവസം ബോളിവുഡിലെ സൂപ്പര്‍ജോഡികളായ രണ്‍ബീറും കത്രീനയും പിരിഞ്ഞതും വലിയ വാര്‍ത്തയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha