അണ്ടര്‍ 19 ലോകകപ്പില്‍ ഇന്ത്യയുടെ കുഞ്ഞിക്കടുവകള്‍ ഫൈനലില്‍. നിലവിലുള്ള ജേതാക്കളായ ശ്രീലങ്കയെ 97 റണ്‍സിന് തകര്‍ത്താണ് ഇന്ത്യ അണ്ടര്‍ 19 ലോകകപ്പ് ക്രിക്കറ്റ് ടൂര്‍ണമെന്റിന്റെ കലാശപ്പോരാട്ടിന് അര്‍ഹരായത്. സര്‍ഫറാസ് ഖാന്റെയും അന്‍മോള്‍പ്രീത് സിംഗിന്റെയും തകര്‍പ്പന്‍ പ്രകടനമാണ് ടീം ഇന്ത്യയ്ക്ക് ഫൈനലിലേക്ക് യോഗ്യത നേടിക്കൊടുത്തത്.
ടോസ് നേടി ആദ്യം ആദ്യം ബാറ്റ് ചെയ്ത ഇന്ത്യ 268 റണ്‍സ് പടുത്തുയര്‍ത്തി. തുടര്‍ന്ന് ലങ്കയുടെ ഇന്നിങ്‌സ് കേവലം 170 റണ്‍സിന് ചുരുട്ടികൂട്ടുകയായിരുന്നു.
സര്‍ഫറാസ് ഖാന്‍ 59ഉം അന്‍മോള്‍പ്രീത് 72ഉം റണ്‍സെടുത്ത്. 92 പന്തില്‍ ആറ് ഫോറും ഒരു സിക്‌സും സഹിതമാണ് അന്‍മോള്‍ ്പ്രീത് 72 റണ്‍സെടുത്തത്. സര്‍ഫറാസ് ഖാന്‍ 71 പന്തിലാണ് 59 റണ്‍സെടുത്തത്. ഇന്ത്യക്കായി ഡാഗര്‍ മൂന്ന് വിക്കറ്റ് വീഴ്ത്തിയപ്പോള്‍ ആവേശ് ഖാന്‍ രണ്ട് വിക്കറ്റ് വീഴ്ത്തി.
39 റണ്‍സെടുത്ത മെന്‍ഡിസും 38 റണ്‍സെടുത്ത അശ്ഹാനും ആണ് ശ്രീലങ്കന്‍ നിരയില്‍ ഭേദപ്പെട്ട പ്രകടനം കാഴ്ച്ചവെച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha