രാജ്യാന്തര ട്വന്റി20 ക്രിക്കറ്റില്‍ വീണ്ടും മലയാളി സെഞ്ചറിത്തിളക്കം. കഴിഞ്ഞ ദിവസം നടന്ന ട്വന്റി20 ലോകകപ്പിന്റെ ആഫ്രിക്കന്‍ ക്വാളിഫയര്‍ മത്സരത്തില്‍ സെഞ്ചറി നേടിയ ബോട്‌സ്വാന താരം വിനു ബാലകൃഷ്ണനാണ് രാജ്യാന്തര ട്വന്റി20യില്‍ വീണ്ടുമൊരു 'മലയാളി സെഞ്ചറി' നേടിയത്.


എസ്വാറ്റിനിക്കെതിരായ മത്സരത്തിലായിരുന്നു തൃശൂര്‍ സ്വദേശിയായ വിനുവിന്റെ സെഞ്ചറി നേട്ടം. 66 പന്തില്‍ രണ്ട് സിക്‌സും 12 ഫോറും അടങ്ങുന്നതാണ് വിനുവിന്റെ ഇന്നിങ്‌സ്. മത്സരം ബോട്‌സ്വാന 45 റണ്‍സിന് ജയിക്കുകയും ചെയ്തു. സ്‌കോര്‍: ബോട്‌സ്വാന 20 ഓവറില്‍ 4ന് 172. എസ്വാറ്റിനി 18.4 ഓവറില്‍ 9ന് 127. പ്ലെയര്‍ ഓഫ് ദ് മാച്ച് വിനു തന്നെയാണ് .