ആ ഇഷ്ടം തുറന്ന് പറയാന്‍ ഇന്ത്യന്‍ നായകന്‍ മഹേന്ദ്ര സിംഗ് ധോണി മറന്നില്ല. സൂപ്പര്‍ കിംഗ്‌സിനോടുള്ള തന്റെ ഇഷ്ടമാണ് ധോണി ഉള്ള് തുറന്ന് പറഞ്ഞത്. സൂപ്പര്‍ ജൈന്റ്‌സിന്റെ ജേഴ്‌സി പ്രകാശന വേളയിലാണ് ധോണി മനസ് തുറന്നത്. എട്ട് വര്‍ഷം ചെന്നൈ സൂപ്പര്‍ കിംഗ്‌സില്‍ കളിച്ച താരമെന്ന നിലയില്‍ പുതിയ ടീമിനൊപ്പം നില്‍ക്കുമ്പോള്‍ എന്ത് തോന്നുന്നു എന്ന ചോദ്യത്തിനായിരുന്നു ധോണി മറുപടി നല്‍കിയത്. ഞാന്‍ മനസ്സ് തുറന്നാല്‍ നിങ്ങള്‍ നിരാശരാകും എന്നായിരുന്നു ധോണി ആദ്യം മറുപടി നല്‍കിയത്.

എട്ട് വര്‍ഷം ചെന്നൈ സൂപ്പര്‍ കിംഗ്‌സില്‍ കളിച്ചിട്ട് ഇവിടെ നില്‍ക്കുമ്പോള്‍ വളരെ അപരിചിതത്വം തോന്നുന്നു. ചെന്നൈയിലെ ജനങ്ങളോടും ടീമിനോടും വൈകാരികമായ അടുപ്പാണുള്ളത്. അവിടുത്തെ അനുഭവം വളരെ വ്യത്യസ്തമായിരുന്നെന്നും താന്‍ ടീം മാറ്റം ആഗ്രഹിച്ചെന്ന് പറഞ്ഞാല്‍ അതു നുണയാകുമെന്നും ധോണി പറഞ്ഞു.

ടീമിനോട് തനിക്ക് വൈകാരികമായ അടുപ്പമാണ് ഉള്ളതെന്ന് ധോണി പറഞ്ഞു.താന്‍ പ്രെഫഷണലാണെന്നും കളിയില്‍ പൂണെക്കായി 100 ശതമാനലും സമര്‍പ്പിക്കുമെന്നും ധോണി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha