ക്രിക്കറ്റ് താരം വിരാട് കോഹ്‌ലിയുടെയും ബോളിവുഡ് സുന്ദരി അനുഷ്‌ക ശര്‍മയുടെയും പ്രണയതകര്‍ച്ചയാണ് ബോളിവൂഡിലെയും ക്രിക്കറ്റ് ലോകത്തെയും സംസാരവിഷയം. ഇത്തവണത്തെ പ്രണയദിനം ആഘോഷിക്കുന്നതിനും ദിവസങ്ങള്‍ മുന്‍പാണ് ഇരുവരും അടിച്ചു പിരിയുന്നത്. പ്രണയം തകര്‍ന്ന കാര്യം ഇവര്‍ പരസ്യമായി പുറത്തു പറഞ്ഞിട്ടില്ലെങ്കിലും സോഷ്യല്‍മീഡിയയിലെ ഇരുവരുടെയും പോസ്റ്റുകളിലൂടെ ഇത് വ്യക്തമാക്കുന്നുമുണ്ട്.
എന്നാല്‍ കോഹ്‌ലിയ്ക്ക് ഈ വിഷയത്തില്‍ കഴിഞ്ഞ ദിവസം സകലനിയന്ത്രണവും നഷ്ടപ്പെട്ട് അരിശപ്പെടേണ്ടി വന്നു. പ്രമുഖ വാച്ച് കമ്പനിയുടെ ബ്രാന്‍ഡ് അംബാസിഡറായി വിരാടിനെ തിരഞ്ഞെടുത്തിരുന്നു. അവിടെ ചെന്നപ്പോള്‍ മാധ്യമങ്ങള്‍ക്ക് ചോദിക്കാനുള്ളത് വിരാടിന്റെയും അനുഷ്‌കയുടെയും പ്രണയതകര്‍ച്ചയെക്കുറിച്ചായിരുന്നു.
വിരാട് ബ്രാന്‍ഡ് അംബാസിഡറായ ഈ വാച്ച് ഏത് ബോളിവുഡ് സെലിബ്രിറ്റിക്ക് സമ്മാനമായി നല്‍കുമെന്നായിരുന്നു ഒരു മാധ്യമപ്രവര്‍ത്തകന്റെ ചോദ്യം. അതിന് തക്കമറുപടിയാണ് വിരാട് നല്‍കിയത്. 'എന്റെ കുടുംബത്തിലെ ഒരാള്‍ക്കായിരിക്കും വാച്ച് നല്‍കുക. ഇപ്പോള്‍ എന്തിനാണ് ഇങ്ങനെയൊരു ചോദ്യം. അതിനെന്താണ് പ്രാധാന്യം. അതൊരു ക്രിക്കറ്റ് താരം ആയിക്കൂടെ. ഒരു പ്രൊഫഷണല്‍ എന്ന നിലയ്ക്ക് അയാളോട് ചുറ്റുംനില്‍ക്കുന്ന കാര്യങ്ങളെസംബന്ധിച്ചുള്ള ചോദ്യം ചോദിക്കൂ. വിരാട് പറഞ്ഞു.
അടുത്ത ചോദ്യം ഇപ്പോഴത്തെ കോഹ്‌ലിയുടെ റിലേഷന്‍ഷിപ്പ് സ്റ്റാറ്റസിനെക്കുറിച്ചായിരുന്നു. ആ ചോദ്യത്തിന് കോഹ്‌ലിയ്ക്ക് ദേഷ്യപ്പെടേണ്ടി വന്നു. 'ആരുമായുള്ള ബന്ധത്തെപ്പറ്റിയാണ് നിങ്ങള്‍ ചോദിക്കുന്നത്? ഞാനൊരു റിലേഷന്‍ഷിപ്പ് കൗണ്‍സിലര്‍ ഒന്നുമല്ല, ഇങ്ങനെയൊരു ചോദ്യം എന്നോട് ചോദിക്കരുത്, അതിന് വേറെ വിദഗ്ദ്ധരുണ്ട്. കോഹ്‌ലി പറഞ്ഞു.
കോഹ്‌ലിയുടെ പ്രതികരണത്തില്‍ നിന്നു തന്നെ അദ്ദേഹത്തിന് അനുഷ്‌കയുമായുള്ള ബന്ധത്തെപ്പറ്റി യാതൊന്നും പറയാനില്ലെന്നാണ് കാണിക്കുന്നത്. മാത്രമല്ല വിരാടിന്റെ ഈ അഭിപ്രായത്തോടെ ഇരുവരും പിരിഞ്ഞെന്നു തന്നെ വേണം കരുതാന്‍. ഇത്തവണത്തെ വാലന്റൈന്‍ ദിനം വിരാട് അമ്മയ്‌ക്കൊപ്പം വീട്ടില്‍ ആഘോഷിച്ചപ്പോള്‍ അനുഷ്‌ക തന്റെ വളര്‍ത്തു നായയായ ഡ്യൂഡിക്കൊപ്പമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha