ശ്രീലങ്കയെ അഞ്ച് വിക്കറ്റിന് പരാജയപ്പെടുത്തിയാണ് ഇന്ത്യ ഫൈനലിലെത്തിയത്. മൂന്നു കളികളില്‍ രണ്ടിലും തോറ്റ ശ്രീലങ്ക ടൂര്‍ണമെന്റില്‍ നിന്ന് പുറത്തായി.ആദ്യം ബാറ്റ് ചെയ്ത ലങ്കയുടെ 138 റണ്‍സ് 4 പന്തുകള്‍ ബാക്കിനില്‍ക്കെ മറികടക്കുകയായിരുന്നു.
ആശിഷ് നെഹ്‌റയുടെ മികച്ച ബൗളിംഗ് പ്രകടനമാണ് ശ്രീലങ്കയെ ശരാശരി റണ്‍സിന് ഒതുക്കാന്‍ ഇന്ത്യയെ സഹായിച്ചത്. ചമര കപുഗെഡേര 30 റണ്‍സുമായി ലങ്കന്‍ പക്ഷത്ത് കൂടുതല്‍ റണ്‍സ് നേടി. മിലിന്ദ സിരിവര്‍ദ്ധന(22) മാത്രമാണ് 20നപ്പുറം കടന്നത്. 
അദ്ധസെഞ്ച്വറി (56) നേടിയ വിരാട് കോഹ്‌ലി ഇന്ത്യന്‍ വിജയത്തില്‍ നിര്‍ണ്ണായകമായ പങ്കുവഹിച്ചു. ശിക്കര്‍ ധവാന്‍ (3 പന്തില്‍ 1), രോഹിത് ശര്‍മ (14 പന്തില്‍ 15), യുവരാജ് (18 പന്തില്‍ 35), റെയ്‌ന (26 പന്തില്‍ 25),ഹാര്ദിക് പാണ്ട്യ (4 പന്തില്‍ 2),ധോണി (4 പന്തില്‍ 7) റണ്‍സും എടുത്തു.

കളിച്ച കളികളിലെല്ലാം വിജയിച്ച ഇന്ത്യ 6 പോയിന്റോടെ പട്ടികയില്‍ ഒന്നാം സ്ഥാനത്ത് അജയ്യരായി തുടരുകയാണ്. താരതമ്യേന ദുര്‍ബലരായ യു.എ.ഇയാണ് ഇന്ത്യയുടെ അടുത്ത മത്സരത്തിലെ എതിരാളി. പാകിസ്താനും ബംഗ്ലാദേശിനും ആറ് പോയിന്റ് നേടാനുള്ള സാധ്യതയുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha