ഏഷ്യാകപ്പ് ഫൈനലിന് മുന്നോടിയായി ഇന്ത്യന്‍ ടീമിനെ അപമാനിച്ച ബംഗ്ലാദേശ് ആരാധകര്‍ക്ക് ഇന്ത്യന്‍ ആരാധകര്‍ സോഷ്യല്‍ മീഡിയയിലൂടെ ചുട്ട മറുപടി. ഇന്ത്യന്‍ താരങ്ങള്‍ കളിക്കളത്തില്‍ മറുപടി നല്‍കി കഴിഞ്ഞപ്പോഴായിരുന്നു സോഷ്യല്‍ മീഡിയകള്‍ വഴി ഇന്ത്യന്‍ ആരാധകരുടെ മറുപടി.

ഏഷ്യാ കപ്പ് ഫൈനലിന് മുമ്പ് ഇന്ത്യന്‍ നായകന്‍ എം.എസ് ധോണിയുടെ തല കൈയില്‍ പിടിച്ച് നില്‍ക്കുന്ന ബംഗ്ലാദേശ് പേസര്‍ ടസ്‌കിന്‍ അഹമ്മദിന്റെ ചിത്രങ്ങള്‍ സോഷ്യല്‍ മീഡിയകളില്‍ പ്രത്യക്ഷപ്പെട്ടിരുന്നു. എന്നാല്‍ ഇപ്പോള്‍ ടസ്‌കിന്റെ തല എടുത്ത് എറിയുന്ന ധോണിയുടെ ചിത്രമാണ് സോഷ്യല്‍ മീഡിയയില്‍ പ്രത്യക്ഷപ്പെട്ടിരിക്കുന്നത്. മാത്രമല്ല ടസസ്‌ക്കിന്റെയും മഷ്‌റാഫ് മോര്‍ട്ടാസയുടെയും തല സ്റ്റമ്പില്‍ കോര്‍ത്ത് നില്‍ക്കുന്ന ധോണിയുടെ ചിത്രങ്ങളും പ്രചരിക്കുന്നുണ്ട്.

നേരത്തെ ഇന്ത്യന്‍ നായകന്റെ തലയുമായി ടസ്‌കിന്‍ നില്‍ക്കുന്ന ചിത്രത്തിന് ബംഗ്ലാ ആരാധകര്‍ക്കിടയില്‍ വന്‍ സ്വീകാര്യതയാണ് ലഭിച്ചിരുന്നത്. ഇത് ആദ്യമായല്ല ബംഗ്ലാദേശ് ആരാധകരില്‍നിന്നും സമാന നീക്കം ഉണ്ടാകുന്നത്.

2015-ല്‍ ഒരു ബംഗ്ലാദേശ് പത്രം ഒരു കാര്‍ട്ടൂണ്‍ പരസ്യം പ്രസിദ്ധീകരിച്ചാണ് ഇന്ത്യന്‍ താരങ്ങളെ പരിഹസിച്ചത്. പരസ്യത്തില്‍ ധോണിയും കോഹ്ലിയും അടക്കമുള്ള താരങ്ങളെ പാതി മൊട്ടയടിച്ച നിലയിലാണ് ചിത്രീകരിച്ചിരുന്നത്. ബംഗ്ലാദേശ് ബൗളര്‍ മുസ്താഫിസുര്‍ റഹ്മാന്‍ ഒരു ബെയ്ഡുമായി നില്‍ക്കുന്നതും പരസ്യത്തില്‍ ചിത്രീകരിച്ചിരുന്നു. ഞങ്ങള്‍ ഉപയോഗിച്ചുകഴിഞ്ഞു, നിങ്ങളും ഉപയോഗിച്ചുനോക്കൂ എന്ന പരസ്യവാചകവും ചിത്രത്തിനൊപ്പം നല്‍കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha